ಬುಗಾಟ್ಟಿ ಚೇರಾನ್‌ ಪ್ರೊಫಿಲೀ ಕಾರು ಬರೋಬ್ಬರಿ 88.23 ಕೋಟಿ ರೂಪಾಯಿಗಳಿಗೆ ಹರಾಜು

Team Udayavani, Feb 6, 2023, 6:17 PM IST

ಫ್ರಾನ್ಸ್‌: W-16 ಸಿಲಿಂಡರ್‌ ಒಳಗೊಂಡ ಬುಗಾಟ್ಟಿ ಚೇರಾನ್‌ ಪ್ರೊಫಿಲೀ ಆವೃತ್ತಿಯ ಕೊನೆಯ ಸೂಪರ್‌ಕಾರು ಬರೋಬ್ಬರಿ 88.23 ಕೋಟಿ ರೂಪಾಯಿಗಳಿಗೆ (10.7 ಮಿಲಿಯನ್‌ ಡಾಲರ್‌)  ಮಾರಾಟವಾಗುವ ಮೂಲಕ ಜಗತ್ತಿನಲ್ಲೇ ಅತ್ಯಂತ ದುಬಾರಿ ಬೆಲೆಗೆ ಹರಾಜಾದ ಕಾರು ಎಂಬ ವಿಶ್ವದಾಖಲೆಗೆ ಪಾತ್ರವಾಗಿದೆ. .

ಫೆ.1ರಂದು ಫ್ರಾನ್ಸ್‌ನ ಆಟೆಲಿಯರ್‌ ಎಂಬಲ್ಲಿ ಆರ್‌.ಎಂ.ಸೋಥೆಬೈಸ್‌ ಎಂಬ ಕಂಪನಿ ನಡೆಸಿದ ಹರಾಜಿನಲ್ಲಿ ಭಾರೀ ಪೈಪೋಟಿಯ ಮಧ್ಯೆ ಈ ದುಬಾರಿ ಬೆಲೆಗೆ ಮಾರಾಟವಾಗಿದೆ.ಕೇವಲ 2.3 ಸೆಕೆಂಡುಗಳಲ್ಲೇ 100k\h ತಲುಪುವ ಸಾಮರ್ಥ್ಯವಿರುವ ಈ ಸೂಪರ್‌ ಕಾರು 8 ಲೀಟರ್‌ನ ಕ್ವಾಡ್‌ ಟರ್ಬೋ W-16 ಎಂಜಿನ್‌ ಹೊಂದಿದೆ. 7,993 ಸಿಸಿ ಎಂಜಿನ್‌ ಸಾಮರ್ಥ್ಯ ಹೊಂದಿರುವ ಈ ಕಾರು 6,700 rpm ಕೂಡಾ ಹೊಂದಿದೆ.2017 ರಲ್ಲಿ ವಿಶ್ವದಾಖಲೆಯ ಉದ್ದೇಶದಿಂದ ನಡೆಸಿದ ಪರೀಕ್ಷೆಯಲ್ಲಿ 400k\h ವೇಗ ತಲುಪಲು ಈ ಕಾರು ಕೇವಲ 32.6 ಸೆಕೆಂಡುಗಳನ್ನು ತೆಗೆದುಕೊಂಡಿತ್ತು. ಈ ಕಾರು 100 ಕಿ.ಮೀ ದೂರ ಸಾಗಲು 22.5 ಲೀಟರ್‌ ತೈಲ ಉಪಯೋಗಿಸಿಕೊಳ್ಳುತ್ತದೆ ಎಂದು ಬುಗಾಟ್ಟಿ ಕಂಪನಿ ಹೇಳಿದೆ.