Hit And Run Case: ಬೈಕ್‌ ಗೆ ಡಿಕ್ಕಿ ಹೊಡೆದು 3 ಕಿಲೋ ಮೀ.ವರೆಗೆ ಎಳೆದೊಯ್ದ ಕಾರು!

Team Udayavani, Aug 18, 2023, 2:36 PM IST

ಮಹಾರಾಷ್ಟ್ರ: ಬೈಕ್‌ ಸವಾರರಿಬ್ಬರಿಗೆ ಡಿಕ್ಕಿ ಹೊಡೆದ ಕಾರೊಂದು ಮೂರು ಕಿಲೋ ಮೀಟರ್‌ ವರೆಗೆ ಎಳೆದೊಯ್ದ ಹಿಟ್‌ ಆಂಡ್‌ ರನ್‌ ಘಟನೆ ಮಹಾರಾಷ್ಟ್ರದ ನಾಗ್ಪುರದ ವಿಮಾನ ನಿಲ್ದಾಣ ರಸ್ತೆಯಲ್ಲಿ ನಡೆದಿದ್ದು, ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಇದನ್ನೂ ಓದಿ:Bantwala: ರೋಗಿಯನ್ನು ಸಾಗಿಸುತ್ತಿದ್ದ ಅಂಬ್ಯುಲೆನ್ಸ್ ಪಲ್ಟಿಯಾಗಿ ಚಾಲಕ ಮೃತ್ಯು

ಬೈಕ್‌ ಸವಾರರನ್ನು ರಾಕೇಶ್‌ ಗಾಟೆ ಮತ್ತು ಆಕಾಶ್‌ ಟೇಕಂ ಎಂದು ಗುರುತಿಸಲಾಗಿದೆ. ವಿಮಾನ ನಿಲ್ದಾಣ ರಸ್ತೆಯ ರಾಜೀವ್‌ ನಗರದ ಪ್ರೈಡ್‌ ಹೋಟೆಲ್‌ ಸಮೀಪ ಕಾರು ಬೈಕ್‌ ಗೆ ಡಿಕ್ಕಿ ಹೊಡೆದಿತ್ತು. ಆದರೆ ಕಾರು ಚಾಲಕ ಅತೀ ವೇಗದಿಂದ ಚಲಾಯಿಸಿಕೊಂಡು ಹೋಗುತ್ತಿದ್ದ.

ಕಾರಿನ ಮುಂಭಾಗದಲ್ಲಿ ಇಬ್ಬರು ಸವಾರರು ಸಿಲುಕಿಕೊಂಡಿದ್ದರು ಕೂಡಾ ಕಾರನ್ನು ನಿಲ್ಲಿಸದೇ ಸುಮಾರು ಮೂರು ಕಿಲೋ ಮೀಟರ್‌ ವರೆಗೆ ಎಳೆದೊಯ್ದು ಪರಾರಿಯಾಗಿದ್ದಾನೆ. ಅದೃಷ್ಟವಶಾತ್‌ ಬೈಕ್‌ ಸವಾರರಿಬ್ಬರು ಸಾವಿನಿಂದ ಪಾರಾಗಿದ್ದಾರೆ ಎಂದು ವರದಿ ತಿಳಿಸಿದೆ.

कार में फसी बाइक को कार चालक ने 3 किलोमीटर तक घसीटा वायरल वीडियो नागपुर का है.@NagpurPolice #nagpur pic.twitter.com/GaaEo2w1GX

— rajni singh (@imrajni_singh) August 18, 2023

ಪ್ರತ್ಯಕ್ಷದರ್ಶಿಗಳ ಹೇಳಿಕೆ ಪ್ರಕಾರ, ಕಾರು ಅತಿಯಾದ ವೇಗದಲ್ಲಿದ್ದು, ಬೈಕ್‌ ಗೆ ಡಿಕ್ಕಿ ಹೊಡೆದ ನಂತರವೂ ಚಾಲಕ , ಬೈಕ್‌ ಸವಾರರನ್ನು ವಿಚಾರಿಸುವ ಬದಲು ವೇಗವಾಗಿಯೇ ಕಾರನ್ನು ಚಲಾಯಿಸಿಕೊಂಡು ಪರಾರಿಯಾಗಿರುವುದಾಗಿ ತಿಳಿಸಿದ್ದಾರೆ. ಈ ಜನನಿಬಿಢ ರಸ್ತೆಯಲ್ಲಿ ಪೊಲೀಸರೂ ಇಲ್ಲವಾಗಿತ್ತು. ಹೀಗಾಗಿ ವೈರಲ್‌ ವಿಡಿಯೋವನ್ನು ಆಧರಿಸಿ ಆರೋಪಿಯನ್ನು ಬಂಧಿಸಬೇಕು ಎಂದು ಆಗ್ರಹಿಸಿದ್ದಾರೆ.