ಚಾಮರಾಜನಗರ: ಕೋವಿಡ್ ಸೋಂಕಿಗೆ ಇಬ್ಬರು ಸಾವು, 118 ಹೊಸ ಪ್ರಕರಣ ದೃಢ

Team Udayavani, Aug 20, 2020, 6:16 PM IST

ಚಾಮರಾಜನಗರ: ಜಿಲ್ಲೆಯಲ್ಲಿ ಗುರುವಾರ 118 ಕೋವಿಡ್ ಪ್ರಕರಣಗಳು ಪತ್ತೆಯಾಗಿವೆ. 36 ಮಂದಿ ಗುಣಮುಖರಾಗಿದ್ದಾರೆ. ಇಬ್ಬರು ಸೋಂಕಿನಿಂದ ಮೃತಪಟ್ಟಿದ್ದಾರೆ.

ಗುಂಡ್ಲುಪೇಟೆ ಪಟ್ಟಣದ 65 ವರ್ಷದ ವೃದ್ಧರು ಆ. 14ರಂದು ನಗರದ ಕೋವಿಡ್ ಆಸ್ಪತ್ರೆಗೆ ದಾಖಲಾಗಿದ್ದರು. ಚಿಕಿತ್ಸೆ ಫಲಕಾರಿಯಾಗದೇ ಬುಧವಾರ ರಾತ್ರಿ ಮೃತಪಟ್ಟಿದ್ದಾರೆ. ನಗರದ 60 ವರ್ಷದ ವೃದ್ಧೆ ಆ. 14ರಂದು ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದರು. ಬುಧವಾರ ರಾತ್ರಿ ಮೃತರಾಗಿದ್ದಾರೆ ಎಂದು ಜಿಲ್ಲಾಧಿಕಾರಿ ಕಚೇರಿ ಪ್ರಕಟಣೆ ತಿಳಿಸಿದೆ.

ಇದರಿಂದಾಗಿ ಜಿಲ್ಲೆಯಲ್ಲಿ ಕೋವಿಡ್‌ನಿಂದ ಮೃತರಾದವರ ಸಂಖ್ಯೆ 33ಕ್ಕೇರಿದೆ. ಜಿಲ್ಲೆಯಲ್ಲಿ ಒಟ್ಟು ಪ್ರಕರಣಗಳ ಸಂಖ್ಯೆ 1905ಕ್ಕೇರಿದೆ. ಇದರಲ್ಲಿ 1403 ಮಂದಿ ಗುಣಮುಖರಾಗಿದ್ದಾರೆ. 469 ಸಕ್ರಿಯ ಪ್ರಕರಣಗಳಿವೆ. 36 ಮಂದಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಇಂದು ಚಾಮರಾಜನಗರ ತಾಲೂಕಿನಿಂದ 52, ಗುಂಡ್ಲುಪೇಟೆ ತಾಲೂಕಿನಿಂದ 32, ಹನೂರು ತಾಲೂಕಿನಿಂದ 14, ಕೊಳ್ಳೇಗಾಲ 09, ಯಳಂದೂರು 09, ಅಂತರ ಜಿಲ್ಲೆಯ 02 ಪ್ರಕರಣಗಳು ಪತ್ತೆಯಾಗಿವೆ.

ಗುರುವಾರ 22 ಮಂದಿಯನ್ನು ಹೋಂ ಐಸೋಲೇಷನ್‌ಗೊಳಪಡಿಸಲಾಗಿದೆ. ಒಟ್ಟು 181 ಮಂದಿಯನ್ನು ಹೋಂ ಐಸೋಲೇಷನ್‌ಗೊಳಪಡಿಸಲಾಗಿದ್ದು, 13 ಮಂದಿ ಗುಣಮುಖರಾಗಿ, ಹಾಲಿ 168 ಮಂದಿ ಹೋಂ ಐಸೋಲೇಷನ್‌ನಲ್ಲಿದ್ದಾರೆ.

ಇಂದಿನ ಪ್ರಕರಣಗಳು -118
ಇಂದು ಗುಣಮುಖ -36
ಒಟ್ಟು ಗುಣಮುಖ -1403
ಇಂದಿನ ಸಾವು -2
ಒಟ್ಟು ಸಾವು -33
ಸಕ್ರಿಯ ಪ್ರಕರಣಗಳು -469
ಒಟ್ಟು ಸೋಂಕಿತರು -1905