Citizenship: ವಲಸಿಗರಿಗೆ ಪೌರತ್ವ ನೀಡುವ ಮಾನ್ಯತೆ ಎತ್ತಿಹಿಡಿದ ಸುಪ್ರೀಂಕೋರ್ಟ್‌

Team Udayavani, Oct 18, 2024, 1:40 AM IST

ಹೊಸದಿಲ್ಲಿ: 1966ರ ಜ.1ರಿಂದ 1971ರ ಮಾ.25ರೊಳಗೆ ಅಸ್ಸಾಂಗೆ ಬಂದಿರುವ ವಲಸಿಗರಿಗೆ ಭಾರತೀಯ ಪೌರತ್ವ ನೀಡುವ ಪೌರತ್ವ ಕಾಯ್ದೆಯ ಸೆಕ್ಷನ್‌ 6ಎಯ ಸಾಂವಿಧಾನಿಕ ಮಾನ್ಯತೆಯನ್ನು ಗುರುವಾರ ಸುಪ್ರೀಂ ಕೋರ್ಟ್‌ ಎತ್ತಿಹಿಡಿದಿದೆ. 4:1 ಅನುಪಾತದಲ್ಲಿ ಈ ತೀರ್ಪು ಹೊರಬಿದ್ದಿದೆ.

ಅಕ್ರಮ ವಲಸೆ ಸಮಸ್ಯೆಗೆ ಮುಕ್ತಿ ಹಾಡಲು ಅಸ್ಸಾಂ ಒಪ್ಪಂದವು ಒಂದು ರಾಜಕೀಯ ಪರಿಹಾರವಾಗಿದೆ ಎಂದು ಸಿಜೆಐ ಡಿ.ವೈ.ಚಂದ್ರಚೂಡ್‌ ನೇತೃತ್ವದ 5 ನ್ಯಾಯಮೂರ್ತಿಗಳ ಪೀಠ ಹೇಳಿದೆ. ರಾಜ್ಯದಲ್ಲಿ ಬೇರೆ ಬೇರೆ ಜನಾಂಗೀಯ ಗುಂಪುಗಳು ವಾಸವಿದೆ ಎಂದ ಮಾತ್ರಕ್ಕೆ ಅದು ಸಂವಿಧಾನದ 29(1)ನೇ ವಿಧಿ ಉಲ್ಲಂಘನೆಯಾಗುವುದಿಲ್ಲ. ನಾವೂ ಬದು ಕ ಬೇಕು, ಇತರರನ್ನೂ ಬದುಕಲು ಬಿಡಬೇಕು ಎಂಬ ತಣ್ತೀದ ಪಾಲನೆ ಮುಖ್ಯ ಎಂದು ಪೀಠ ಹೇಳಿದೆ.

ಇದೇ ವೇಳೆ, ನ್ಯಾ| ಜೆ.ಬಿ.ಪರ್ದಿವಾಲಾ ವಿರುದ್ಧ ತೀರ್ಪು ನೀಡಿದ್ದು, ಸಂವಿಧಾನದ 6ಎ ವಿಧಿಯು ಅಸಾಂವಿಧಾನಿಕ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಸೆಕ್ಷನ್‌ 6ಎ ಅಕ್ರಮ ವಲಸಿಗರಿಗೆ ವಿಶೇ ಷ ವಾಗಿ ಬಾಂಗ್ಲಾ ದೇಶಿಯರಿಗೆ ಭಾರತದ ಪೌರತ್ವ ನೀಡುವ ನಿಬಂಧನೆ. 1985ರ ರಾಜೀವ್‌ ಗಾಂಧಿ ಸರಕಾರದಲ್ಲಿ ಇದು  ಸೇರ್ಪಡೆಯಾಯಿತು.