Viral Video: ಬೈಕ್‌ ಮೇಲೇರಿ ಬಂದ ಕಾಳಿಂಗ ಸರ್ಪ…ಸಾವಿನ ದವಡೆಯಿಂದ ಪಾರಾದ ಸವಾರ!

Team Udayavani, Apr 1, 2024, 5:42 PM IST

ಅಮೇಠಿ(ಉತ್ತರಪ್ರದೇಶ): ಪಾರ್ಕ್‌ ಮಾಡಿದ್ದ ಬೈಕ್‌ ಮೇಲೆ ದಿಢೀರನೆ ಕಾಳಿಂಗ ಸರ್ಪ ಹತ್ತಿ ಬಂದಿದ್ದು, ಬೈಕ್‌ ಸವಾರ ಪ್ರಾಣಾಪಾಯದಿಂದ ಪಾರಾಗಿರುವ ಘಟನೆ ಉತ್ತರಪ್ರದೇಶದ ಅಮೇಠಿಯ ರೈಲ್ವೆ ಕ್ರಾಸ್‌ ಸಮೀಪ ನಡೆದಿದ್ದು, ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಇದನ್ನೂ ಓದಿ:Bangladesh: ನಿಮ್ಮ ಪತ್ನಿಯ ಭಾರತೀಯ ಸೀರೆಗಳನ್ನು ಸುಟ್ಟು ಹಾಕಿ: ಬಾಂಗ್ಲಾ ಪ್ರಧಾನಿ ಕಿಡಿ

ಬೈಕ್‌ ನಲ್ಲಿ ಕಾಳಿಂಗ ಸರ್ಪವನ್ನು ಕಂಡು ಹೆದರಿ ಹೌಹಾರಿದ ಸವಾರ, ಕೂಡಲೇ ಬೈಕ್‌ ನಿಂದ ಹಾರಿದ್ದ. ಅಮೇಠಿ ಜಯಾಸ್‌ ಪೊಲೀಸ್‌ ಠಾಣಾ ವ್ಯಾಪ್ತಿಯ ಪರ್ಸಾದೇಪುರ್‌ ರೈಲ್ವೆ ಕ್ರಾಸಿಂಗ್‌ ಸಮೀಪ ಭಾನುವಾರ (ಮಾರ್ಚ್‌ 31) ಸಂಜೆ ಈ ಘಟನೆ ನಡೆದಿತ್ತು ಎಂದು ವರದಿ ತಿಳಿಸಿದೆ.

ಬೈಖ್‌ ನ ಹೆಡ್‌ ಲೈಟ್‌ ಭಾಗದಿಂದ ಕಾಳಿಂಗ ಸರ್ಪ ಮೇಲೇರಿ ಬಂದು, ಬುಸುಗುಡುತ್ತಿರುವ ದೃಶ್ಯ ವಿಡಿಯೋದಲ್ಲಿದೆ. ಹಾವನ್ನು ಕಂಡು ದೂರ ಸರಿದು, ಬೈಕ್‌ ಸವಾರ ವಿಡಿಯೋ ಮಾಡಿರುವುದಾಗಿ ವರದಿ ವಿವರಿಸಿದೆ.

अमेठी – क्रासिंग बंद होने के चलते खड़ी बाइक पर चढ़ा सांप

➡बाइक पर सांप देख बाइक सवार युवक छोड़कर भागा
➡सांप का वीडियो बनाकर सोशल मीडिया पर किया वायरल
➡गांधी नगर के छतोह रोड पर स्थित रेलवे क्रासिंग का मामला.#Amethi pic.twitter.com/yEY8Fe7ZWs

— भारत समाचार | Bharat Samachar (@bstvlive) April 1, 2024

ವಿಷಯ ತಿಳಿದ ಸ್ಥಳೀಯರು ಗುಂಪುಗೂಡತೊಡಗಿದ್ದರು. ನಂತರ ಬೈಕ್‌  ಮೇಲೆ ಇದ್ದ ಕಾಳಿಂಗ ಸರ್ಪವನ್ನು ಹಿಡಿದು ಅರಣ್ಯದೊಳಕ್ಕೆ ಬಿಡಲಾಯಿತು ಎಂದು ವರದಿ ತಿಳಿಸಿದೆ. ಸಮೀಪದ ಅರಣ್ಯ ಪ್ರದೇಶ ಇರುವ ಅಶ್ವತ್ಥ ಮರದ ಸಮೀಪ ಕಾಳಿಂಗ ಸರ್ಪ ವಾಸವಾಗಿದ್ದು, ಆಗಾಗ ಈ ಪ್ರದೇಶದಲ್ಲಿ ಕಾಣಿಸಿಕೊಳ್ಳುತ್ತಿರುವುದಾಗಿ ಸ್ಥಳೀಯರು ತಿಳಿಸಿದ್ದಾರೆ.