ಕೊಪಾ ಅಮೆರಿಕ ಫುಟ್ ಬಾಲ್ : ಬ್ರಝಿಲ್‌, ಕೊಲಂಬಿಯಾ ಜಯ

Team Udayavani, Jun 15, 2021, 12:21 AM IST

ಬ್ರಸಿಲಿಯಾ (ಬ್ರಝಿಲ್‌): “ಕೊಪಾ ಅಮೆರಿಕ ಫ‌ುಟ್‌ಬಾಲ್‌’ ಪಂದ್ಯಾ ವಳಿಯಲ್ಲಿ ಬ್ರಝಿಲ್‌ ಭರ್ಜರಿ ಆರಂಭ ಪಡೆದಿದೆ. ವೆನಿಜುವೆಲಾವನ್ನು 3-0 ಗೋಲು ಗಳಿಂದ ಮಣಿಸಿದೆ.

ಏಕಪಕ್ಷೀಯವಾಗಿ ಸಾಗಿದ ಈ ಪಂದ್ಯದಲ್ಲಿ ಡಿಫೆಂಡರ್‌ ಮಾಕ್ವಿìನೋಸ್‌, ನೇಮರ್‌, ಬದಲಿ ಆಟಗಾರ ಗ್ಯಾಬ್ರಿಯಲ್‌ ಬಾಬೋìಸ ಅವರಿಂದ ಗೋಲುಗಳು ಸಿಡಿದವು.

ಕೋವಿಡ್‌ ಸೋಂಕು ದೃಢಪಟ್ಟ ಕಾರಣ ವೆನಿ ಜುವೆಲಾ ತಂಡದ 8 ಪ್ರಮುಖ ಆಟಗಾರರು ಹೊರಗುಳಿದಿದ್ದರು. ಹೀಗಾಗಿ ಅನನುಭವಿ ಆಟಗಾರರಿಗೆ ಬ್ರಝಿಲ್‌ ಸವಾಲನ್ನು ಎದುರಿಸಿ ನಿಲ್ಲಲು ಸಾಧ್ಯವಾಗಲಿಲ್ಲ.

ದಿನದ ಇನ್ನೊಂದು ಪಂದ್ಯದಲ್ಲಿ ಕೊಲಂ ಬಿಯಾ 1-0 ಅಂತರದಿಂದ ಈಕ್ವಡಾರ್‌ತಂಡಕ್ಕೆ ಸೋಲುಣಿಸಿತು. ಬ್ರಝಿಲ್‌ ಜೂ. 17ರಂದು ಮುಂದಿನ ಪಂದ್ಯವನ್ನು ಆಡಲಿದೆ. ಎದುರಾಳಿ ಪೆರು. ಅದೇ ದಿನ ವೆನಿಜುವೆಲಾ ಕೊಲಂಬಿಯಾವನ್ನು ಎದುರಿಸಲಿದೆ.

ಮೆಸ್ಸಿಗೆ ಕೊರೊನಾ ಭೀತಿ
ಕೊಪಾ ಅಮೆರಿಕ ಫ‌ುಟ್‌ಬಾಲ್‌ ಪಂದ್ಯಾವಳಿ ಯಲ್ಲಿ ಪಾಲ್ಗೊಂಡಿರುವ ಆರ್ಜೆಂಟೀನಾ ತಂಡ ಕೋವಿಡ್‌ ಭೀತಿ ಎದುರಿಸುತ್ತಿದೆ ಎಂಬುದಾಗಿ ಲಿಯೋನೆಲ್‌ ಮೆಸ್ಸಿ ಆತಂಕ ವ್ಯಕ್ತಪಡಿಸಿದ್ದಾರೆ.

ಈಗಾಗಲೇ ಬೊಲಿವಿಯಾ, ಕೊಲಂಬಿಯಾ ಮತ್ತು ವೆನಿಜುವೆಲಾ ತಂಡದ ಬಹಳಷ್ಟು ಮಂದಿಗೆ ಕೋವಿಡ್‌ ಸೋಂಕು ದೃಢಪಟ್ಟಿರು ವುದರಿಂದ ಮೆಸ್ಸಿ ಇಂಥದೊಂದು ಭೀತಿ ವ್ಯಕ್ತಪಡಿಸಿದ್ದಾರೆ.