ಮಲ್ಲಪುರಂ: ಫ‌ುಟ್ಬಾಲಿಗ ಕೋಯಾ ಕೋವಿಡ್‌-19ಗೆ ಬಲಿ

Team Udayavani, Jun 6, 2020, 9:29 PM IST

ಸಾಂದರ್ಭಿಕ ಚಿತ್ರ.

ಮಲ್ಲಪುರಂ: ಕೇರಳದ ಮಾಜಿ ಫ‌ುಟ್‌ಬಾಲ್‌ ಆಟಗಾರ ಹಮ್ಸಾ ಕೋಯಾ ಅವರನ್ನು ಕೋವಿಡ್‌-19  ಬಲಿ ತೆಗೆದುಕೊಂಡಿದೆ. ಶನಿವಾರ ಇಲ್ಲಿನ ಆಸ್ಪತ್ರೆಯೊಂದರಲ್ಲಿ ಅವರು ಕೊನೆಯುಸಿರೆಳೆದರು. ಅವರಿಗೆ 61 ವರ್ಷವಾಗಿತ್ತು.

ಕ್ಯಾಲಿಕಟ್‌ ಯೂನಿವರ್ಸಿಟಿ ತಂಡದ ಪ್ರಮುಖ ಆಟಗಾರರಾಗಿದ್ದ ಹಮ್ಸಾ ಕೋಯಾ ಮೋಹನ್‌ ಬಾಗನ್‌, ಮೊಹಮ್ಮದನ್‌ ನ್ಪೋರ್ಟ್ಸ್ ಕ್ಲಬ್‌ ತಂಡಗಳ ಮಾಜಿ ಆಟಗಾರನಾಗಿದ್ದರು. 1981 86ರ ಅವಧಿಯಲ್ಲಿ ಸಂತೋಷ್‌ ಟ್ರೋಫಿ ಪಂದ್ಯಾವಳಿಯಲ್ಲಿ ಮಹಾ ರಾಷ್ಟ್ರವನ್ನು ಪ್ರತಿನಿಧಿಸಿದ್ದರು. ನೆಹರೂ ಟ್ರೋಫಿ ಪಂದ್ಯಾವಳಿಯಲ್ಲಿ ರಾಷ್ಟ್ರೀಯ ತಂಡವನ್ನೂ ಪ್ರತಿನಿಧಿಸಿದ್ದರು.

ಮೂಲತಃ ಕೇರಳದವಾರಾದ ಹಮ್ಸಾ ಕೋಯಾ ಮುಂಬಯಿಯಲ್ಲೇ ನೆಲೆಸಿದ್ದರು. ಮೇ 21ರಂದು ಪತ್ನಿ, ಮಗ, ಸೊಸೆ ಹಾಗೂ ಇಬ್ಬರು ಮೊಮ್ಮಕ್ಕಳೊಂದಿಗೆ ತವರಾದ ಕೇರಳದ ಪರಪ್ಪನಂಗಡಿಗೆ ಆಗಮಿಸಿದ್ದರು. ಈಗ ಇವರ ಕುಟುಂಬದ ಎಲ್ಲರಲ್ಲೂ ಕೋವಿಡ್‌-19 ಪಾಸಿಟಿವ್‌ ಇರುವುದು ದೃಢಪಟ್ಟಿದೆ.