Deharadun: ಕಾಣೆ ಆಗಿದ್ದ ಉತ್ತರಾಖಂಡ ನರ್ಸ್‌ ಹತ್ಯೆ, ಶವ ಪತ್ತೆ!

Team Udayavani, Aug 16, 2024, 12:17 AM IST

ಡೆಹ್ರಾಡೂನ್‌: ಕೋಲ್ಕತಾದಲ್ಲಿ ಟ್ರೈನಿ ವೈದ್ಯೆ ಮೇಲೆ ಅತ್ಯಾಚಾರ ನಡೆಸಿ ಕೊಲೆ ಮಾಡಿರುವ ಘಟನೆ ಬೆನ್ನಲ್ಲಿಯೇ ಉತ್ತರಾಖಂಡದ ಆಸ್ಪತ್ರೆಯ ನರ್ಸ್‌ ಒಬ್ಬರನ್ನು ಅತ್ಯಾಚಾರ ಎಸಗಿ ಹತ್ಯೆ ಮಾಡಲಾಗಿದೆ.

ಖಾಸಗಿ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದ ನರ್ಸ್‌ ಒಂದು ವಾರದ ಹಿಂದೆ ನಾಪತ್ತೆಯಾಗಿದ್ದರು. ಕೇಸು ದಾಖಲಿಸಿ ತನಿಖೆ ನಡೆಸಿದಾಗ ಆಕೆಯ ಮೃತದೇಹ ಉ.ಪ್ರದೇಶದ ರಾಮ್‌ಪುರ ಜಿಲ್ಲೆಯಲ್ಲಿ ಪತ್ತೆಯಾಗಿದೆ. ಘಟನೆಗೆ ಸಂಬಂಧ ಧರ್ಮೇಂದ್ರ ಕುಮಾರ್‌ ಎಂಬಾತನನ್ನು ಬಂಧಿಸಲಾಗಿದೆ.

ನರ್ಸ್‌ ಕರ್ತವ್ಯ ನಿಭಾಯಿಸಿ ಉ. ಪ್ರದೇಶದ ತನ್ನ ಗ್ರಾಮಕ್ಕೆ ತೆರಳುತ್ತಿದ್ದಾಗ ಅಡ್ಡಗಟ್ಟಿ ಅತ್ಯಾಚಾರ ಎಸಗಿ, ಕೊಲೆ ಮಾಡಿದ್ದಾನೆ.ಆಕೆ ಬಳಿ ಇದ್ದ ಬೆಲೆ ಬಾಳುವ ವಸ್ತುಗಳನ್ನು ಕದ್ದುಕೊಂಡು ಪರಾರಿಯಾಗಿದ್ದ.

ಸಿಬಿಐನಿಂದ ಅಧಿಕಾರಿಗಳ ವಿಚಾರಣೆ
ಕೋಲ್ಕತಾ: ಟ್ರೈನಿ ವೈದ್ಯೆ ಹತ್ಯೆ ಪ್ರಕರಣ ಸಂಬಂಧಿಸಿದಂತೆ ಆರ್‌.ಜಿ. ಕಾರ್‌ ಆಸ್ಪತ್ರೆಯ ಅಧಿಕಾರಿಗಳನ್ನು ಸಿಬಿಐ ವಿಚಾರಣೆ ನಡೆಸಿದೆ. ಇತರೆ ಐವರು ವೈದ್ಯರಿಂದಲೂ ಮಾಹಿತಿ ಪಡೆದುಕೊಂಡಿದೆ. ಇದರ ಜತೆಗೆ ವೈದ್ಯೆಯ ಕುಟುಂಬ ಸದಸ್ಯ ರಿಂದಲೂ ಮಾಹಿತಿ ಪಡೆದಿದೆ.

ಮತ್ತೆ ಮುಷ್ಕರ: ಆರ್‌.ಜಿ.ಕಾರ್‌ಆಸ್ಪತ್ರೆಯಲ್ಲಿ ಕಿಡಿಗೇಡಿಗಳು ನಡೆಸಿ ದ ದಾಳಿಯಿಂದ ಕೋಪ ಗೊಂಡ ರುವ ವೈದ್ಯರು ಮತ್ತೆ ಮುಷ್ಕರ ಹೂಡಲು ತೀರ್ಮಾನಿಸಿದ್ದಾರೆ.