Dinner Politics: ಊಟ, ಅಜೆಂಡಾ ನಮ್ಮದು, ಬೇರೆಯವರಿಗೆ ಆತಂಕ ಏಕೆ?: ಸತೀಶ್‌ ಜಾರಕಿಹೊಳಿ

Team Udayavani, Jan 9, 2025, 7:40 AM IST

ಬೆಂಗಳೂರು: ಊಟ ನಮ್ಮದು, ಅಜೆಂಡಾ ನಮ್ಮದು. ಬೇರೆಯವರಿಗೆ ಆತಂಕ ಏಕೆ? ಎಸ್‌ಸಿ, ಎಸ್ಟಿ ಶಾಸಕ, ಸಚಿವರ ಔತಣಕೂಟ ಈಗ ಒಂದು ವಾರ ಮುಂದೆ ಹೋಗಬಹುದಷ್ಟೇ. ಅನುಮತಿ ಸಿಕ್ಕ ಮೇಲೆ ಡಿನ್ನರ್‌ ಏರ್ಪಡಿಸಬಹುದು ಎಂದು ಹೇಳುವ ಮೂಲಕ ಲೋಕೋಪಯೋಗಿ ಸಚಿವ ಸತೀಶ ಜಾರಕಿಹೊಳಿ ಡಿನ್ನರ್‌ ಪಾಲಿಟಿಕ್ಸ್‌ ಮುಂದುವರಿಯುವ ಬಗ್ಗೆ ಸುಳಿವು ನೀಡಿದರು.

ಕೆಪಿಸಿಸಿ ಕಚೇರಿಯಲ್ಲಿ ಬುಧವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಪದೇ ಪದೆ ಈ ರೀತಿಯ ಸಭೆಗಳು ಬೇಡ ಅಂತ ಅಧ್ಯಕ್ಷರು ಹೇಳ್ತಾರೆ ಅಷ್ಟೇ. ಇದೆಕ್ಕೆಲ್ಲ ಸಾಮಾನ್ಯವಾಗಿ ಒಂದೇ ಬಣ್ಣ ಇರುತ್ತದೆ. ಆದರೆ, ಅದು ನಂತರದಲ್ಲಿ ಏಳು ಬಣ್ಣಗಳಾಗಿ ಬಿಡುತ್ತದೆ. ಹಾಗಾಗಿ, ತುಸು ಗೊಂದಲ ಉಂಟಾಗುತ್ತದೆ. ಅದೇನೇ ಇರಲಿ, ಈಗ ಅನುಮತಿ ಪಡೆದರೆ ಯಾವುದೇ ಗೊಂದಲಗಳೇ ಇರುವುದಲ್ಲ’ ಎಂದು ಹೇಳಿದರು.

ಈ ಬಾರಿಯ ಡಿನ್ನರ್‌ ಸಭೆಗೆ ಪಕ್ಷದ ಅಧ್ಯಕ್ಷರೂ ಬರಲಿದ್ದಾರಾ ಎಂದು ಕೇಳಿದಾಗ, “ಪ್ಯಾಚ್‌ವರ್ಕ್‌ ಮಾಡಬೇಕು ಅಂದ್ರೆ ಅವರನ್ನೂ ಕರೆಯಲೇಬೇಕಾಗುತ್ತದೆ’ ಎಂದು ಸೂಚ್ಯವಾಗಿ ಹೇಳಿದರು.