7ನೇ ವೇತನ ಆಯೋಗ ಶಿಫಾರಸು ಜಾರಿಗೆ ಇಪಿಎಫ್ ಹೆಜ್ಜೆ

Team Udayavani, Jun 2, 2021, 11:03 PM IST

ನವದೆಹಲಿ: 7ನೇ ವೇತನ ಆಯೋಗದ ಶಿಫಾರಸಿನಂತೆ ತನ್ನ ಅಧಿಕಾರಿಗಳ ಹಾಗೂ ನೌಕರರ ವೇತನ ಹೆಚ್ಚಳಕ್ಕೆ ಕಾರ್ಮಿಕರ ಭವಿಷ್ಯ ನಿಧಿ (ಇಪಿಎಫ್) ಸಂಸ್ಥೆ ಮುಂದಡಿಯಿಟ್ಟಿದೆ.

ವೇತನ ಹೆಚ್ಚಳಕ್ಕಾಗಿ ಸಂಸ್ಥೆಯ ಎ, ಬಿ, ಸಿ ಶ್ರೇಣಿಯ ಹುದ್ದೆಗಳಲ್ಲಿರುವವರು ವಾರ್ಷಿಕ ಕಾರ್ಯಕ್ಷಮತೆ ಮೌಲ್ಯಮಾಪನಾ ವರದಿ (ಎಪಿಎಆರ್‌) ಅರ್ಜಿ ತುಂಬಿ ತಮ್ಮ ಮೇಲಾಧಿಕಾರಿಗಳಿಗೆ ಕಳುಹಿಸುವುದು ಕಡ್ಡಾಯವಾಗಿದ್ದು, ಅರ್ಜಿಗಳ ಡಿಜಿಟಲ್‌ ಮಾದರಿಯನ್ನು ಇಪಿಎಫ್ ಜಾಲತಾಣದಲ್ಲಿ ಪ್ರಕಟಿಸಲಾಗಿದೆ.

ಮೇ 31ರಿಂದಲೇ ಎಪಿಎಆರ್‌ ಅರ್ಜಿ ಲಭ್ಯವಿದೆ. ಎಲ್ಲಾ ಪ್ರಕ್ರಿಯೆಗಳು ಮುಗಿದು, ನೌಕರರ ಕ್ಷಮತೆಯನ್ನು ಡಿ. 31ರೊಳಗೆ ಅಂತಿಮವಾಗಿ ದಾಖಲಿಸಿಕೊಳ್ಳಲಾಗುತ್ತದೆ ಎಂದು ಮೂಲಗಳು ತಿಳಿಸಿವೆ.

ಇದನ್ನೂ ಓದಿ :ಸೋಂಕಿನಿಂದ ಮೃತಪಟ್ಟವರ ಅಸ್ಥಿ ವಿಸರ್ಜನೆ : ಅಶೋಕ್‌ ಕಾರ್ಯಕ್ಕೆ ಬಿ.ಎಲ್‌.ಸಂತೋಷ್‌ ಮೆಚ್ಚುಗೆ