ಫ್ರೆಂಚ್‌ ಓಪನ್‌ ಟೆನಿಸ್‌ : ನಡಾಲ್‌, ಜೊಕೋ ಫೇವರಿಟ್ಸ್‌

Team Udayavani, May 30, 2021, 6:30 AM IST

ಪ್ಯಾರಿಸ್‌ : ಆವೆಯಂಗಳದ ಟೆನಿಸ್‌ ಸಮರವಾದ ಫ್ರೆಂಚ್‌ ಓಪನ್‌ ಗ್ರ್ಯಾನ್‌ಸ್ಲಾಮ್‌ಗೆ ರೊಲ್ಯಾಂಡ್‌ ಗ್ಯಾರಸ್‌ ಸಿದ್ಧಗೊಂಡಿದೆ. ರವಿವಾರದಿಂದ ಜೂ. 13ರ ತನಕ ಟೆನಿಸ್‌ ಅಭಿಮಾನಿಗಳ ಪಾಲಿಗೆ ಇದೊಂದು ದೊಡ್ಡ ಹಬ್ಬವೆನಿಸಲಿದೆ.
ಕ್ಲೇ ಕೋರ್ಟ್‌ ಕಿಂಗ್‌ ರಫೆಲ್‌ ನಡಾಲ್‌ ಈ ಕೂಟದ ನೆಚ್ಚಿನ ಆಟಗಾರ. ಹಾಗೆಯೇ ನಂ.1 ನೊವಾಕ್‌ ಜೊಕೋವಿಕ್‌ ಕೂಡ ರೇಸ್‌ನಲ್ಲಿದ್ದಾರೆ.

ಜೊಕೋವಿಕ್‌ ಇಲ್ಲಿ ಟ್ರೋಫಿ ಎತ್ತಿದ್ದು 2016ರಲ್ಲಿ ಮಾತ್ರ. ಈ ಬಾರಿ ಚಾಂಪಿಯನ್‌ ಆದರೆ, ಕಳೆದ 50 ವರ್ಷಗಳಲ್ಲಿ ಎಲ್ಲ ಗ್ರ್ಯಾನ್‌ಸ್ಲಾಮ್‌ ಪ್ರಶಸ್ತಿಗಳನ್ನು ಒಂದಕ್ಕಿಂತ ಹೆಚ್ಚು ಸಲ ಗೆದ್ದ ಏಕೈಕ ಟೆನಿಸಿಗನೆನಿಸಲಿದ್ದಾರೆ. ರೋಜರ್‌ ಫೆಡರರ್‌ ಅವರಿಗೂ ಇಂಥದೊಂದು ಅವಕಾಶವಿದೆ.

ಡ್ರಾ ಪ್ರಕಾರ ಕ್ವಾರ್ಟರ್‌ ಫೈನಲ್‌ನಲ್ಲಿ ಜೊಕೋವಿಕ್‌-ರೋಜರ್‌ ಫೆಡರರ್‌ ಮುಖಾಮುಖೀ ಆಗುವ ಸಂಭವವಿದೆ. ಸೆಮಿಫೈನಲ್‌ನಲ್ಲಿ ಜೊಕೊ-ನಡಾಲ್‌ ಎದುರಾಗುವರು ಎಂಬುದೊಂದು ಲೆಕ್ಕಾಚಾರ. ಆಗ ಫೈನಲ್‌ ಪ್ರವೇಶಿಸಿದವರಿಗೆ ಸುಲಭ ಎದುರಾಳಿ ಸಿಗುವ ಸಾಧ್ಯತೆ ಹೆಚ್ಚಿದೆ.