2 ವರ್ಷಗಳಿಂದ ಜಿಮೇಲ್‌ ಖಾತೆ ನಿಷ್ಕ್ರಿಯವಾಗಿದ್ದರೆ ಡಿಲೀಟ್‌!

Team Udayavani, Nov 15, 2020, 6:20 AM IST

ಹೊಸದಿಲ್ಲಿ: 2 ವರ್ಷಗಳಿಂದ ನೀವು ಜಿಮೇಲ್‌ ಖಾತೆಯನ್ನು ಬಳಸುತ್ತಿ ಲ್ಲವೇ? ಹಾಗಿದ್ದರೆ, ಆ ಖಾತೆಯನ್ನು ಗೂಗಲ್‌ ಡಿಲೀಟ್‌ ಮಾಡಲಿದೆ.

ಹೌದು! ಟೆಕ್‌ ದೈತ್ಯ ಗೂಗಲ್‌ ತನ್ನ ಖಾತೆ ಬಳಕೆದಾರರಿಗೆ ನೂತನ ನಿಯ ಮಾವಳಿ ರೂಪಿಸಿದೆ. ಖಾತೆ 2 ವರ್ಷಗಳಿಂದ ನಿಷ್ಕ್ರಿಯವಾಗಿದ್ದಲ್ಲಿ ಅದನ್ನು ಗೂಗಲ್‌ ಡಿಲೀಟ್‌ ಮಾಡಲಿದೆ. ಅಲ್ಲದೆ ಜಿಮೇಲ್‌- ಗೂಗಲ್‌ಡ್ರೈವ್‌ ನಲ್ಲಿ 2 ವರ್ಷಕ್ಕಿಂತ ಹೆಚ್ಚು ಕಾಲ ಕಡತ ಸಂಗ್ರಹ ಮಿತಿಮೀರಿದ್ದರೂ ಗೂಗಲ್‌ ಕ್ರಮ ಜರುಗಿಸಲಿದೆ. ಇಂಥ ಖಾತೆಗಳಲ್ಲಿನ ಫೋಟೊ, ಡಾಕ್ಯುಮೆಂಟ್ಸ್‌, ಸ್ಲೆ„ಡ್ಸ್‌, ಜ್ಯಾಂಬೋರ್ಡ್‌ಗಳನ್ನು ಗೂಗಲ್‌ ಡಿಲೀಟ್‌ ಮಾಡಲಿದೆ. 2021ರ ಜೂನ್‌ 1ರಿಂದ ಈ ನೀತಿ ಜಾರಿಗೆ ಬರಲಿದೆ.

ದಾರಿ ಏನು?: ಇದಕ್ಕೂ ಮೊದಲು ನಿಷ್ಕ್ರಿಯ ಮತ್ತು ಮಿತಿಮೀರಿದ ಸಂಗ್ರಹ ವಿರುವ ಖಾತೆಗಳಿಗೆ ಗೂಗಲ್‌ ಮುನ್ಸೂಚನೆ ಮೇಲ್‌ ರವಾನಿಸುತ್ತದೆ. ಇದನ್ನು ಗಮನಿಸಿ, ಇಮೇಲ್‌ಗೆ ನಿಗದಿತ ಭೇಟಿ ಹೆಚ್ಚಿಸಿದರೆ ಖಾತೆ ಡಿಲೀಟ್‌ ಆಗುವುದು ತಪ್ಪುತ್ತದೆ. ಮಿತಿಮೀರಿದ ಸಂಗ್ರಹವುಳ್ಳ ಖಾತೆದಾರರು ಕಡತಗಳನ್ನು ಬೇರೆಡೆ ಸ್ಥಳಾಂತರಿಸಿಕೊಳ್ಳುವುದೇ ಉತ್ತಮ.