ಚಿನ್ನಾಭರಣದ ಮೇಲೆ 2021ರಿಂದ ಹಾಲ್‌ಮಾರ್ಕ್‌ ಮುದ್ರೆ ಕಡ್ಡಾಯ

Team Udayavani, Nov 30, 2019, 12:15 AM IST

ಹೊಸದಿಲ್ಲಿ: ಭಾರತೀಯ ಚಿನ್ನ ವರ್ತಕರಿಗೆ ಕೇಂದ್ರ ಸರಕಾರ ಆಘಾತಕಾರಿ ಸಂದೇಶವೊಂದನ್ನು ನೀಡಿದೆ. 2021, ಜ. 15ರಿಂದ ಚಿನ್ನಾಭರಣದಂಗಡಿ ಮಾಲೀಕರು ಕೇಂದ್ರ ಸರಕಾರದ ಹಾಲ್‌ಮಾರ್ಕ್‌ ಲಗತ್ತಿ ಸುವುದು ಕಡ್ಡಾಯ. ಈ ಬಗ್ಗೆ ಮುಂದಿನ ವರ್ಷ ಜ. 15ರಂದೇ ಸರಕಾರ ಅಧಿಸೂಚನೆ ಹೊರಡಿಸಲಿದೆ. ಆದರೆ ವ್ಯಾಪಾರಿಗಳಿಗೆ ತಮ್ಮ ಹಳೆಯ ಸಂಗ್ರಹವನ್ನು ಮುಗಿಸಿ ಕೊಳ್ಳಲು 1 ವರ್ಷ ಅವಕಾಶ ನೀಡಲಾ ಗುವುದು ಎಂದು ಕೇಂದ್ರ ಸಚಿವ ರಾಮ್‌ ವಿಲಾಸ್‌ ಪಾಸ್ವಾನ್‌ ಹೇಳಿದ್ದಾರೆ.

ಹಾಲ್‌ಮಾರ್ಕ್‌ ಎಂದರೇನು?: ಕೇಂದ್ರ ಸರಕಾರದ ಬ್ಯೂರೋ ಆಫ್ ಇಂಡಿಯನ್‌ ಸ್ಟಾಂಡರ್ಡ್ಸ್ (ಬಿಐಎಸ್‌) ಎಲ್ಲ ಆಭರಣಗಳನ್ನು, ಭಾರತೀಯ ಮತ್ತು ಅಂತಾರಾಷ್ಟ್ರೀಯ ಗುಣಮಟ್ಟಕ್ಕೆ ಅನುಗುಣವಾಗಿದೆಯೇ ಎಂದು ಪರಿಶೀಲಿಸಿ ಒಂದು ಮುದ್ರೆ ಹಾಕುತ್ತದೆ. ಅದೇ ಹಾಲ್‌ಮಾರ್ಕ್‌. ಚಿನ್ನಾಭರಣಗಳ ಗುಣಮಟ್ಟ ಕಾಪಾಡಲು, ವಂಚನೆ ತಡೆಯಲು ಇದು ನೆರವಾಗಲಿದೆ. ಇದರನ್ವಯ ಆಭರಣಗಳನ್ನು ಹಾಲ್‌ಮಾರ್ಕ್‌ ಶಾಖೆಗಳಿಗೆ ಒಯ್ದು ಪರಿಶೀಲಿಸುವುದು ಕಡ್ಡಾಯ.