ರಾಜ್ಯದಲ್ಲಿ ಅಲ್ಪ ಇಳಿಕೆ ಕಂಡ ಬಂಗಾರದ ಬೆಲೆ

Team Udayavani, Apr 27, 2022, 7:05 AM IST

ಹೊಸದಿಲ್ಲಿ: ರಾಷ್ಟ್ರ ರಾಜಧಾನಿಯಲ್ಲಿ ಚಿನ್ನದ ದರ ಮಂಗಳವಾರ ಪ್ರತೀ ಹತ್ತು ಗ್ರಾಂಗಳಿಗೆ 78 ರೂ. ಏರಿಕೆ ಕಂಡು 51,452 ರೂ. ಆಗಿತ್ತು. ಸ್ಥಿರ ಜಾಗತಿಕ ವಿದ್ಯಮಾನಗಳು ಇದಕ್ಕೆ ಕಾರಣಗಳು ಎಂದು ತಜ್ಞರು ಹೇಳಿದ್ದಾರೆ.

ಸೋಮವಾರ ಚಿನ್ನ ಪ್ರತೀ ಹತ್ತು ಗ್ರಾಂಗಳಿಗೆ 51,373 ರೂ.ಗಳಿಗೆ ಮಾರಾಟವಾಗಿತ್ತು. ಬೆಳ್ಳಿಗೆ ಕೂಡ ದರ ಏರಿಕೆಯಾಗಿದ್ದು, ಪ್ರತೀ ಒಂದು ಕೆ.ಜಿ.ಗೆ 65,134 ರೂ.ಗಳಿಗೆ ಮಾರಾಟವಾಯಿತು. ಇದಕ್ಕೆ ಹಿಂದೆ 64,671 ರೂ. ದರವಿತ್ತು.

ಜಾಗತಿಕ ಸ್ತರದಲ್ಲಿ ಡಾಲರ್‌ ದುರ್ಬಲವಾದುದು ಮತ್ತು ಅಮೆರಿಕದ ಬಾಂಡ್‌ ಪ್ರತಿಫ‌ಲದಲ್ಲಿ ಹಿನ್ನಡೆ ಯಾಗಿರುವುದು ಚಿನ್ನದ ದರ ಅಲ್ಪ ಏರಿಕೆಗೆ ಕಾರಣ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ರಾಜ್ಯದ ಚಿನಿವಾರ ಕಟ್ಟೆಯಲ್ಲಿ ಮಂಗಳವಾರ ಚಿನ್ನದ ದರ ಪ್ರತೀ ಹತ್ತು ಗ್ರಾಂಗಳಿಗೆ 30 ರೂ. ಇಳಿಕೆಯಾಗಿ 4,825 ರೂ. ಇದ್ದರೆ ಬೆಳ್ಳಿ ದರ ಪ್ರತೀ ಕೆ.ಜಿ.ಗೆ 100 ರೂ. ಹೆಚ್ಚಳವಾಗಿ 67,200 ರೂ. ಆಗಿತ್ತು.