ಹೊಸಮಠ ಕಂಬಳದಲ್ಲಿ ಹಲಗೆ ಸಹಿತ ಕೆರೆಗೆ ಜಿಗಿದ ಕೋಣಗಳು ; ತಪ್ಪಿದ ಅನಾಹುತ

Team Udayavani, Dec 4, 2021, 7:40 PM IST

ತೆಕ್ಕಟ್ಟೆ : ಇಲ್ಲಿನ ಕೊರ್ಗಿ ಗ್ರಾಮ ಪಂಚಾಯತ್‌ ವ್ಯಾಪ್ತಿಯ ಸಾಂಪ್ರದಾಯಿಕ ಹೊಸಮಠ ಕಂಬಳ ಮಹೋತ್ಸವವು ಡಿ.4ರಂದು ವಾಡಿಕೆಯಂತೆ ಜರಗಿತು.

ಸಾಂಪ್ರದಾಯಿಕ ಹೊಸಮಠ ಕಂಬಳ ಮಹೋತ್ಸವದಲ್ಲಿ ಹಲಗೆ ವಿಭಾಗ, ಹಗ್ಗ ವಿಭಾಗದ ಸ್ಪರ್ಧೆಗಳನ್ನು ಏರ್ಪಡಿಸಲಾಗಿದ್ದು , ಈ ಸಂದರ್ಭದಲ್ಲಿ ಕೋಣಗಳ ತಾಲೀಮು ನಡೆಸುತ್ತಿದ್ದು, ಹಲಗೆ ವಿಭಾಗದಲ್ಲಿ ಕೋಣಗಳ ಓಟದಲ್ಲಿ ಅಂತಿಮ ಹಂತವನ್ನು ತಲುಪುತ್ತಿದ್ದ ಸಂದರ್ಭದಲ್ಲಿಯೇ ಓಟದ ಭರದಲ್ಲಿ ಹಲಗೆ ಸಹಿತ ಸಮೀಪದಲ್ಲಿನ ಕೆರೆಗೆ ಕೋಣಗಳು ಏಕಾಏಕಿ ಜಿಗಿದಿದೆ.

ಕೆರೆಯಲ್ಲಿನ ಗಿಡಗಂಟಿಯಲ್ಲಿ ಸಿಲುಕಿರುವುದನ್ನು ಅರಿತ ಕೋಣಗಳನ್ನು ಓಡಿಸುವವರು ತತ್‌ಕ್ಷಣವೇ ಕೆರೆಗೆ ಜಿಗಿದು ರಕ್ಷಣೆಗೆ ಧಾವಿಸಿದ ಘಟನೆ ಕೂಡಾ ಸಂಭವಿಸಿದೆ. ಅದೃಷ್ಟವಶಾತ್‌ ಯಾವುದೇ ಪ್ರಾಣಾಪಾಯ ಸಂಭವಿಸಲಿಲ್ಲ. ಈ ಸಂದರ್ಭದಲ್ಲಿ ನೂರಾರು ಮಂದಿ ಕಂಬಳ ವೀಕ್ಷಕರು ನೆರೆದಿದ್ದರು.