ಭಾರತ-ನ್ಯೂಜಿಲ್ಯಾಂಡ್‌ ಸರಣಿ: ವನಿತಾ ಏಕದಿನ ವಿಶ್ವಕಪ್‌ ಕ್ರಿಕೆಟಿಗೆ ಅಭ್ಯಾಸ

Team Udayavani, Feb 9, 2022, 5:50 AM IST

ಕ್ವೀನ್ಸ್‌ಟೌನ್‌: ಮಾರ್ಚ್‌-ಎಪ್ರಿಲ್‌ ತಿಂಗಳಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್‌ ಕ್ರಿಕೆಟ್‌ ಪಂದ್ಯಾವಳಿಗಾಗಿ ಭಾರತೀಯ ವನಿತಾ ತಂಡ ನ್ಯೂಜಿಲ್ಯಾಂಡ್‌ನ‌ಲ್ಲಿ ಮಹತ್ವದ ಸರಣಿ ಯನ್ನು ಆಡಲಿದೆ.

6 ಸೀಮಿತ ಓವರ್‌ ಪಂದ್ಯಗಳ ಸರಣಿ ಇದಾಗಿದ್ದು, ಏಕೈಕ ಟಿ20 ಪಂದ್ಯ ಬುಧವಾರ ಇಲ್ಲಿ ನಡೆಯಲಿದೆ. ಭಾರತೀಯ ಕಾಲಮಾನದಂತೆ ಬೆಳಗ್ಗೆ 5.30ಕ್ಕೆ ಪಂದ್ಯ ಆರಂಭವಾಗಲಿದೆ.

ಫೆ. 12ರಿಂದ 5 ಪಂದ್ಯಗಳ ಏಕದಿನ ಸರಣಿ ಮೊದಲ್ಗೊಳ್ಳಲಿದೆ. ಟಿ20 ತಂಡಕ್ಕೆ ಹರ್ಮನ್‌ಪ್ರೀತ್‌ ಕೌರ್‌, ಏಕದಿನಕ್ಕೆ ಮಿಥಾಲಿ ರಾಜ್‌ ನಾಯಕಿ ಆಗಿರುತ್ತಾರೆ. ನ್ಯೂಜಿಲ್ಯಾಂಡ್‌ ತಂಡದ ನಾಯಕಿ ಸೋಫಿ ಡಿವೈನ್‌.

ಭಾರತ ತಂಡ ಕ್ರೈಸ್ಟ್‌ಚರ್ಚ್‌ನಲ್ಲಿ 10 ದಿನ ಗಳ ಕ್ವಾರಂಟೈನ್‌ ಮುಗಿಸಿ ಕ್ವೀನ್ಸ್‌ಟೌನ್‌ಗೆ ಆಗ ಮಿಸಿದೆ. ಸರಣಿಯ ಎಲ್ಲ ಪಂದ್ಯಗಳು ಇಲ್ಲಿಯೇ ನಡೆಯಲಿವೆ.

ಇದನ್ನೂ ಓದಿ:ದಕ್ಷಿಣ ಆಫ್ರಿಕಾ ಸರಣಿಗೆ ಕೇನ್‌ ವಿಲಿಯಮ್ಸನ್‌ ಅಲಭ್ಯ

ಭಾರತ ಟಿ20 ತಂಡ: ಹರ್ಮನ್‌ಪ್ರೀತ್‌ ಕೌರ್‌ (ನಾಯಕಿ), ಸ್ಮತಿ ಮಂಧನಾ, ಶಫಾಲಿ ವರ್ಮ, ಯಾಸ್ತಿಕಾ ಭಾಟಿಯಾ, ದೀಪ್ತಿ ಶರ್ಮ, ರಿಚಾ ಘೋಷ್‌, ಸ್ನೇಹ್‌ ರಾಣಾ, ಪೂಜಾ ವಸ್ತ್ರಾಕರ್‌, ಮೇಘನಾ ಸಿಂಗ್‌, ರೇಣುಕಾ ಸಿಂಗ್‌, ತನಿಯಾ ಭಾಟಿಯಾ, ರಾಜೇಶ್ವರಿ ಗಾಯಕ್ವಾಡ್‌, ಪೂನಂ ಯಾದವ್‌, ಏಕ್ತಾ ಬಿಷ್ಟ್, ಸಿಮ್ರಾನ್‌ ಬಹಾದೂರ್‌, ಎಸ್‌. ಮೇಘನಾ.

ನ್ಯೂಜಿಲ್ಯಾಂಡ್‌ ತಂಡ: ಸೋಫಿ ಡಿವೈನ್‌ (ನಾಯಕಿ), ಆ್ಯಮಿ ಸ್ಯಾಟರ್‌ವೈಟ್‌, ಸುಝೀ ಬೇಟ್ಸ್‌, ಲಾರೆನ್‌ ಡೌನ್‌, ಮ್ಯಾಡ್ಡಿ ಗ್ರೀನ್‌, ಬ್ರೂಕ್‌ ಹಾಲಿಡೇ, ಹ್ಯಾಲಿ ಜೆನ್ಸೆನ್‌, ಫ್ರಾನ್‌ ಜೊನಾಸ್‌, ಜೆಸ್‌ ಕೆರ್‌, ಮೆಲೀ ಕೆರ್‌, ಫ್ರ್ಯಾಂಕಿ ಮೆಕಾಯ್‌, ರೋಸ್‌ಮೇರಿ ಮೈರ್‌, ಕ್ಯಾಟಿ ಮಾರ್ಟಿನ್‌, ಹನ್ನಾ ರೋವ್‌, ಲೀ ತಹುಹು.