ಅಮೆರಿಕ ಅಧ್ಯಕ್ಷರ ಜತೆಗೆ ಭೇಟಿ ಇಲ್ಲವೇ ಇಲ್ಲ : ಇರಾನ್‌ ಅಧ್ಯಕ್ಷ ರೈಸಿ ಸ್ಪಷ್ಟೋಕ್ತಿ

Team Udayavani, Jun 21, 2021, 10:05 PM IST

ದುಬೈ: ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ಅವರನ್ನು ಭೇಟಿಯಾಗುವುದಿಲ್ಲ ಮತ್ತು ಅವರ ಜತೆಗೆ ಮಾತುಕತೆ ನಡೆಸುವುದಿಲ್ಲ ಎಂದು ಇರಾನ್‌ನ ನೂತನ ಅಧ್ಯಕ್ಷ ಇಬ್ರಾಹಿಂ ರೈಸಿ ಹೇಳಿದ್ದಾರೆ. ದೇಶ ಕೈಗೊಂಡಿರುವ ಖಂಡಾಂತರ ಕ್ಷಿಪಣಿ ಅಭಿವೃದ್ಧಿ ಕುರಿತಂತೆ ಅಮೆರಿಕ ಅಧ್ಯಕ್ಷರ ಜತೆಗೆ ಸಮಾಲೋಚನೆ ಇಲ್ಲವೇ ಇಲ್ಲ ಎಂದು ಹೇಳಿದ್ದಾರೆ. ಈ ಮೂಲಕ ಇರಾನ್‌ನ ಹಿಂದಿನ ಅಧ್ಯಕ್ಷರಂತೆ ಅಂಕಲ್‌ ಸ್ಯಾಮ್‌ (ಅಮೆರಿಕ) ವಿರುದ್ಧ ಕಠಿಣ ಧೋರಣೆಯನ್ನೇ ಮುಂದುವರಿಸಿದ್ದಾರೆ.

ಕ್ಷಿಪಣಿ ಅಭಿವೃದ್ಧಿ, ನೆರೆಯ ರಾಷ್ಟ್ರಗಳಲ್ಲಿ ಹುಟ್ಟಿಕೊಂಡಿರುವ ನಾಗರಿಕ ಸೇನೆಗಳಿಗೂ ತಮ್ಮ ಬೆಂಬಲವಿದೆ. ಇದರಲ್ಲಿ ರಾಜಿ ಇಲ್ಲ ಎಂದಿದ್ದಾರೆ. 1988ರಲ್ಲಿ ಇರಾನ್‌ನಲ್ಲಿ 5 ಸಾವಿರ ಮಂದಿಯನ್ನು ಮರಣದಂಡನೆ ಶಿಕ್ಷೆಗೆ ಒಳಪಡಿಸಿದ ಪ್ರಕರಣದ ಬಗ್ಗೆ ಪತ್ರಕರ್ತರು ಪ್ರಶ್ನಿಸಿದಾಗ “ನಾನೊಬ್ಬ ಮಾನವ ಹಕ್ಕುಗಳನ್ನು ರಕ್ಷಣೆ ಮಾಡುವವ’ ಎಂದು ಹೇಳಿಕೊಂಡರು.

ಇದನ್ನೂ ಓದಿ :ಸೋಂಕಿನಿಂದ ಅಸುನೀಗಿದವರ ಕುಟುಂಬಕ್ಕೆ 4 ಲಕ್ಷ ಪರಿಹಾರ: ತೀರ್ಪು ಕಾಯ್ದಿರಿಸಿದ ಸುಪ್ರೀಂ

ಅಧ್ಯಕ್ಷರಾಗಿ ಮೊದಲ ಸುದ್ದಿಗೋಷ್ಠಿ ನಡೆಸಿದ ಆರಂಭದಲ್ಲಿ ಅವರು ಕೊಂಚ ತಡವರಿಸಿದಂತೆ ಕಂಡರೂ, ನಂತರದ ಹಂತಗಳಲ್ಲಿ ಅವರು, ಸಾವರಿಸಿಕೊಂಡರು.