Jaipur: ಬರೋಬ್ಬರಿ 3,676 ಕಿ.ಮೀ. ಹಾರಿದ ಕೊಕ್ಕರೆ: ದಾಖಲೆ

Team Udayavani, Nov 28, 2024, 6:45 AM IST

ಜೈಪುರ: ರಾಜಸ್ಥಾನಕ್ಕೆ ವಲಸೆಗಳ ಹಕ್ಕಿಗಳು ಬರಲು ಆರಂಭಿಸಿದ್ದು, ಈ ಪೈಕಿ ಸೈಬೀರಿಯಾದ ಡೆಮೊಸೆಲ್‌ ಕೊಕ್ಕರೆ ಹೊಸ ದಾಖಲೆ ಬರೆದಿದೆ. ಇದು 3,676 ಕಿ.ಮೀ. ಕ್ರಮಿಸಿ ರಾಜಸ್ಥಾನಕ್ಕೆ ವಲಸೆ ಬಂದಿದೆ. ಸುಕ್‌ಪಕ್‌ ಎಂದು ಕರೆಯಲಾಗುವ ಈ ಕೊಕ್ಕರೆ ಫ‌ಲೋಡಿ ಜಿ ಯ ಖೀಚಾನ್‌ಗೆ ಹಾರಿ ಬಂದಿದೆ.

ಆಸ್ಟ್ರೇಲಿಯಾದ ಪ್ರವಾಸಿ ಕ್ಯಾರೊಲಿನ್‌ ಸಿನೊಟ್‌ ಅವರು ಈ ಪಕ್ಷಿಯ ಫೋಟೋ ತೆಗೆದಿದ್ದಾರೆ. ಅದನ್ನು ಕಾಲಿನ ಮೇಲೆ ವಿಶಿಷ್ಟವಾದ ಹಳದಿ-ನೀಲಿ ಉಂಗುರದಿಂದ ಗುರುತಿಸಲಾಗುತ್ತದೆ.

ಮಂಗೋಲಿಯಾದ ಡೆಮೊಸೆಲ್‌ ಕೊಕ್ಕರೆ 2800 ಕಿ.ಮೀ. ಕ್ರಮಿಸಿತ್ತು. ಇದು ಈವ ರೆಗಿನ ದಾಖಲೆಯಾಗಿತ್ತು. ಆ ದಾಖಲೆ ಯನ್ನು ಸೈಬೀರಿಯಾದಿಂದ ಬಂದ ಕೊಕ್ಕರೆ ಅಳಿಸಿ ಹಾಕಿದೆ ಎಂದು ರಷ್ಯಾದ ಕೊಕ್ಕರೆ ಸಂಶೋಧಕಿ ಎಲಿನಾ ಮುದ್ರಿಕ್‌ ಹೇಳಿದ್ದಾರೆ.

ಸಾಮಾನ್ಯವಾಗಿ ಡೆಮೊಸೆಲ್‌ ಕೊಕ್ಕರೆಗಳು ನೇಪಾಲ ಮೂಲಕ ಹಿಮಾಲಯ ಕಣಿವೆಗಳನ್ನು ದಾಟಿ ಭಾರತವನ್ನು ಪ್ರವೇಶಿಸುತ್ತವೆ. ಆದರೆ, ಈ ಸುಕ್‌ಪಕ್‌ ಕೊಕ್ಕರೆ ರಷ್ಯಾ, ಕಜಕಿಸ್ಥಾನ್‌, ತುರ್ಕ್‌ಮೇನಿಸ್ಥಾನ, ಆಫ್ಘಾನಿಸ್ಥಾನ ಮತ್ತು ಪಾಕಿಸ್ಥಾನದ ಮೂಲಕ ಭಾರತವನ್ನು ಪ್ರವೇಶಿಸಿದೆ ಎಂದು ಪಕ್ಷಿ ವೀಕ್ಷಕರು ಹೇಳಿದ್ದಾರೆ.