Jammu: ಅನ್ಯರಾಜ್ಯದವರ ವಿವಾಹ ಆದರೂ ಪಂಡಿತ ಸ್ತ್ರೀಯರು ವಲಸಿಗರೇ: ಹೈಕೋರ್ಟ್‌

Team Udayavani, Dec 2, 2024, 4:36 AM IST

ಜಮ್ಮು: ಕಾಶ್ಮೀರಿ ಪಂಡಿತ ಮಹಿಳೆಯರು ವಲಸಿಗರಲ್ಲದ ಪುರುಷರನ್ನು ವಿವಾಹವಾದರೂ, ಅವರನ್ನು ವಲಸಿಗರೆಂದೇ ಪರಿಗಣಿಸಬೇಕು ಎಂದು ಜಮ್ಮು-ಕಾಶ್ಮೀರ ಮತ್ತು ಲಡಾಖ್‌ ಹೈಕೋರ್ಟ್‌ ಅಭಿಪ್ರಾಯಪಟ್ಟಿದೆ.

ಈ ಮೂಲಕ, ಪ್ರಧಾನಮಂತ್ರಿ ಉದ್ಯೋಗ ಪ್ಯಾಕೇಜ್‌ನಡಿ ಆಯ್ಕೆಯಾಗಿದ್ದ ಇಬ್ಬರು ಮಹಿಳೆಯರ ಪರ ಕೇಂದ್ರ ಆಡಳಿತ ನ್ಯಾಯಮಂಡಳಿ (ಸಿಎಟಿ) ನೀಡಿದ್ದ ಆದೇಶವನ್ನು ಎತ್ತಿಹಿಡಿದಿದೆ. “ಒಬ್ಬ ಪುರುಷ ವಲಸಿಗರಲ್ಲದ ಮಹಿಳೆಯನ್ನು ಮದುವೆಯಾದರೂ, ಆತನ ವಲಸಿಗ ಸ್ಥಾನಮಾನ ಉಳಿಯುತ್ತದೆ. ಆದರೆ ಮಹಿಳೆಯರಿಗೆ ಮಾತ್ರ ಈ ನಿಯಮವಿದ್ದು, ಇದು ಪಿತೃಪ್ರಧಾನ ವ್ಯವಸ್ಥೆಯ ಮುಂದುವರಿಕೆ ಎಂದೂ ನ್ಯಾಯಪೀಠ ಅಭಿಪ್ರಾಯಪಟ್ಟಿದೆ.

ವಲಸಿಗರಲ್ಲದ ಪುರುಷರನ್ನು ಮದುವೆಯಾದ ಕಾರಣ ನಮ್ಮ ವಲಸಿಗ ಸ್ಥಾನಮಾನ ಹಾಗೂ ಉದ್ಯೋಗ ಕಳೆದುಕೊಳ್ಳಬೇಕಾಗಿದೆ ಎಂದು ಇಬ್ಬರು ಮಹಿಳೆಯರು 2018ರಲ್ಲಿ ಹೈಕೋರ್ಟ್‌ ಮೆಟ್ಟಿಲೇರಿದ್ದರು.