ಜಾರ್ಖಂಡ್‌ನ‌ಲ್ಲಿ ಲೀಟರ್‌ ಪೆಟ್ರೋಲ್‌ಗೆ 25 ರೂ. ಕಡಿತ! ಜ.26ರಿಂದ ಹೊಸ ದರ ನೀತಿ ಅನ್ವಯ

Team Udayavani, Dec 29, 2021, 9:00 PM IST

ರಾಂಚಿ: ಕೇಂದ್ರ ಸರ್ಕಾರವು ಪೆಟ್ರೋಲ್‌, ಡೀಸೆಲ್‌ ಬೆಲೆ ಇಳಿಕೆ ಮಾಡಿದ ಬೆನ್ನಲ್ಲೇ ಬಹುತೇಕ ರಾಜ್ಯಗಳು ಇಂಧನ ಬೆಲೆಯಲ್ಲಿ 5-10 ರೂ. ಇಳಿಕೆ ಮಾಡಿವೆ.

ಆದರೆ ಜ.26ರಿಂದ ಅನ್ವಯವಾಗುವಂತೆ ಜಾರ್ಖಂಡ್‌ ಸರ್ಕಾರ ಪೆಟ್ರೋಲ್‌ ಬೆಲೆಯಲ್ಲಿ ಲೀಟರ್‌ಗೆ ಬರೋಬ್ಬರಿ 25 ರೂ. ಇಳಿಕೆ ಮಾಡಿದೆ.ಈ ಬಗ್ಗೆ ಮುಖ್ಯಮಂತ್ರಿ ಹೇಮಂತ್‌ ಸೊರೇನ್‌ ಘೋಷಣೆ ಮಾಡಿದ್ದಾರೆ.

ಈ ಇಳಿಕೆ ದ್ವಿಚಕ್ರ ವಾಹನಗಳಿಗೆ ಮಾತ್ರ. ಅದರಲ್ಲೂ ಬಿಪಿಎಲ್‌ ಕಾರ್ಡ್‌ ಹೊಂದಿರುವವರಿಗೆ.

ಬಿಪಿಎಲ್‌ ಕಾರ್ಡ್‌ ಹೊಂದಿರುವವರು ತಮ್ಮ ಬೈಕ್‌ ಅಥವಾ ಸ್ಕೂಟರ್‌ ತೆಗೆದುಕೊಂಡು ಪೆಟ್ರೋಕ್‌ ಬಂಕ್‌ಗೆ ಹೋದರೆ ಮಾತ್ರ ಬೆಲೆ ಇಳಿಕೆ ಅನ್ವಯವಾಗಲಿದೆ.

ಇದನ್ನೂ ಓದಿ:ಅಂಕೋಲಾ: ಹಿರಿಯ ಕಾರ್ಯಕರ್ತರನ್ನು ಭೇಟಿಯಾಗಿ ಕುಶಲೋಪಚರಿ ವಿಚಾರಿಸಿದ ಸ್ಪೀಕರ್ ಕಾಗೇರಿ

ಇದು ಹೇಗೆ ಅನ್ವಯ?
ಅಂದ ಹಾಗೆ ನೀವು ಪೆಟ್ರೋಲ್‌ ಬಂಕ್‌ನಲ್ಲಿ ಲೀಟರ್‌ಗೆ 25 ರೂ. ಕಡಿಮೆ ಕೊಡುವಂತಿಲ್ಲ. ಪೆಟ್ರೋಲ್‌ ಬಂಕಿನಲ್ಲಿ ಅಂದಿನ ಪೆಟ್ರೋಲ್‌ ದರವನ್ನೇ ಕೊಡಬೇಕು. ನಂತರ ಸರ್ಕಾರ ನಿಮಗೆ ಲೀಟರ್‌ಗೆ 25 ರೂ.ನಂತೆ ನಿಮ್ಮ ಬ್ಯಾಂಕ್‌ ಖಾತೆಗೆ ಪಾವತಿಸುತ್ತದೆ. ನಿತ್ಯಬಳಕೆಯ ಸಿಲಿಂಡರ್‌ಗೆ ಸರ್ಕಾರ ಸಬ್ಸಿಡಿ ಕೊಡುತ್ತಿದ್ದ ರೀತಿಯಲ್ಲೇ ಪೆಟ್ರೋಲ್‌ ಬೆಲೆಯನ್ನೂ ನೇರವಾಗಿ ಖಾತೆಗೆ ಹಾಕಲಾಗುವುದು ಎಂದು ಮುಖ್ಯಮಂತ್ರಿ ಕಚೇರಿ ತಿಳಿಸಿದೆ.