Chandrayaan-3 Mission: ಚಂದ್ರನ ಮೇಲ್ಮೈಯ ಫೋಟೋ, ವಿಡಿಯೋ ರವಾನಿಸಿದ ವಿಕ್ರಮ್‌ ಲ್ಯಾಂಡರ್

Team Udayavani, Aug 18, 2023, 5:33 PM IST

ನವದೆಹಲಿ:ಚಂದ್ರಯಾನ-3ರ ವಿಕ್ರಮ್‌ ಲ್ಯಾಂಡರ್‌ ನೌಕೆ ಪ್ರೊಪಲ್ಷನ್‌ ಮಾಡ್ಯೂಲ್‌ ನಿಂದ ಯಶಸ್ವಿಯಾಗಿ ಬೇರ್ಪಟ್ಟ ಬೆನ್ನಲ್ಲೇ ವಿಕ್ರಮ್‌ ಲ್ಯಾಂಡರ್‌ ಶುಕ್ರವಾರ (ಆಗಸ್ಟ್‌ 18) ಚಂದ್ರನ ಮೇಲ್ಮೈ ಚಿತ್ರ ಹಾಗೂ ವಿಡಿಯೋವನ್ನು ರವಾನಿಸಿದ್ದು, ಇಸ್ರೋ X(ಟ್ವೀಟ್‌) ಮೂಲಕ ಹಂಚಿಕೊಂಡಿದೆ.

ಇದನ್ನೂ ಓದಿ:KSRTC: 10 ವರ್ಷ ಕಳೆದರೂ ಇತ್ಯರ್ಥಗೊಳ್ಳದ ಮಣ್ಣೂರು ವಿದ್ಯಾರ್ಥಿಗಳ ಬಸ್ ಸಮಸ್ಯೆ

ಪ್ರೊಪಲ್ಷನ್‌ ಮಾಡ್ಯೂಲ್‌ ಚಂದ್ರನ ಕಕ್ಷೆಯಲ್ಲಿ ಸುತ್ತುತ್ತಿದ್ದು, ವಿಕ್ರಮ್‌ ಲ್ಯಾಂಡರ್‌ ನ ಕ್ಯಾಮೆರಾ 1ರ ಮೂಲಕ ಸೆರೆಹಿಡಿದ ಚಿತ್ರವನ್ನು ಇಸ್ರೋ xನಲ್ಲಿ ಹಂಚಿಕೊಂಡಿದೆ. ವಿಕ್ರಮ್‌ ಲ್ಯಾಂಡರ್‌ ಕಳುಹಿಸಿರುವ ಚಿತ್ರದಲ್ಲಿ ಚಂದ್ರನ ಮೇಲ್ಮೈನಲ್ಲಿ ವಿವಿಧ ಕುಳಿಗಳಿವೆ, ಅವುಗಳಲ್ಲಿ ಒಂದು ಜಿಯೋರ್ಡಾನೊ ಬ್ರುನೋ ಕುಳಿ ಇದ್ದು, ಇದು ಚಂದ್ರನ ಮೇಲ್ಮೈನಲ್ಲಿರುವ ದೊಡ್ಡ ಕುಳಿಗಳಲ್ಲಿ ಒಂದಾಗಿದೆ.

ವಿಕ್ರಮ್‌ ಲ್ಯಾಂಡರ್‌ ನ ಕ್ಯಾಮೆರಾ 1 ಅಂದಾಜು 43 ಕಿಲೋ ಮೀಟರ್‌ ವ್ಯಾಸವನ್ನು ಹೊಂದಿರುವ ಹರ್ಖೇಬಿ ಜೆ ಕುಳಿಯ ಚಿತ್ರವನ್ನೂ ಸೆರೆಹಿಡಿದಿದೆ. ಲ್ಯಾಂಡರ್‌ ಮಾಡ್ಯೂಲ್‌ ನಿಂದ ಬೇರ್ಪಟ್ಟ ಬಳಿಕ ಮೊದಲ ಚಿತ್ರಗಳನ್ನು ಸೆರೆಹಿಡಿದಿರುವುದಾಗಿ ಇಸ್ರೋ ತಿಳಿಸಿದೆ.

Chandrayaan-3 Mission:

View from the Lander Imager (LI) Camera-1
on August 17, 2023
just after the separation of the Lander Module from the Propulsion Module #Chandrayaan_3 #Ch3 pic.twitter.com/abPIyEn1Ad

— ISRO (@isro) August 18, 2023

ವಿಕ್ರಮ್‌ ಲ್ಯಾಂಡರ್‌ ಜತೆ ಭೌತಿಕ ಸಂಪರ್ಕ ಕಡಿದುಕೊಂಡಿರುವ ಪ್ರೊಪಲ್ಷನ್‌ ಮಾಡ್ಯೂಲ್‌ ಕೆಲವು ವರ್ಷಗಳ ಕಾಲ ಚಂದ್ರನ ಕಕ್ಷೆಯಲ್ಲಿ ಸುತ್ತುವ ಮೂಲಕ ಹಲವು ಅಧ್ಯಯನಗಳನ್ನು ನಡೆಸಲಿದ್ದು, ಇಸ್ರೋಗೆ ಮಾಹಿತಿಯನ್ನು ರವಾನಿಸಲಿದೆ.