Viral Video: ಏಕಾಏಕಿ ಬಸ್‌ ಮೇಲೆ ದಾಳಿ ನಡೆಸಿದ ಆನೆ, ಪ್ರಯಾಣಿಕರು ಕಂಗಾಲು!

Team Udayavani, Sep 5, 2023, 5:06 PM IST

ವಿಶಾಖಪಟ್ಟಣ: ಆನೆಯೊಂದು ಏಕಾಏಕಿ ಖಾಸಗಿ ಬಸ್‌ ವೊಂದರ ಮೇಲೆ ದಾಳಿ ನಡೆಸಿರುವ ಘಟನೆ ಆಂಧ್ರಪ್ರದೇಶದ ಪಾರ್ವತಿಪುರಂನ ಮಾನ್ಯಂ ಜಿಲ್ಲೆಯ ಅರ್ಥಮ್‌ ಗ್ರಾಮದಲ್ಲಿ ನಡೆದಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಇದನ್ನೂ ಓದಿ:Nidumamidi Mutt: ಸಾಹಿತ್ಯಕ್ಕೆ ನಿಡುಮಾಮಿಡಿ ಮಠದ ಕೊಡುಗೆ ಅಪಾರ

ಘಟನೆಯಲ್ಲಿ ಯಾವುದೇ ಪ್ರಯಾಣಿಕರು ಗಾಯಗೊಂಡಿಲ್ಲ. ಆಕ್ರೋಶಗೊಂಡಿದ್ದ ಗಜರಾಜ ರಸ್ತೆಮಧ್ಯೆ ನಿಂತ ಪರಿಣಾಮ ವಾಹನಗಳು ಮುಂದಕ್ಕೆ ಚಲಿಸದೇ ನಿಂತಿದ್ದು, ಸುತ್ತ-ಮುತ್ತ ನಿಂತಿದ್ದ ಜನರನ್ನು ಅಟ್ಟಾಡಿಸಿರುವ ದೃಶ್ಯ ವಿಡಿಯೋದಲ್ಲಿದೆ.

ಆನೆ ಏಕಾಏಕಿ ಬಸ್‌ ನ ಮುಂಭಾಗದ ಗಾಜನ್ನು ಸೊಂಡಿಲಿನಿಂದ ಒಡೆದು ಹಾಕಿದ್ದು, ಇದರಿಂದ ಗಾಬರಿಗೊಂಡ ಪ್ರಯಾಣಿಕರು ಬಸ್‌ ನಿಂದ ಕೆಳಗಿಳಿದಿದ್ದರು. ಈ ವೇಳೆ ಪ್ರಯಾಣಿಕರು ಭಯದಿಂದ ಓಡುತ್ತಿರುವ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದೆ.

#BreakingNews: Elephant goes on rampage in Parvathipuram Manyam district of #AndhraPradesh. Head butts a private bus and charges locals. Forest officials trying to capture the animal. Huge traffic jam as vehicles stopped near Manna Gate of Komarada Mandal. @newstapTweets pic.twitter.com/2d9EunWrZQ

— Krishnamurthy (@krishna0302) September 4, 2023

ಅಪಾಯವನ್ನ ಅರಿತ ಚಾಲಕ ಬಸ್‌ ಅನ್ನು ರಿವರ್ಸ್‌ ತೆಗೆದುಕೊಂಡು ಹೋಗಿದ್ದ. ಕೊನೆಗೆ ಆನೆ ತುಂಬಾ ದೂರ ಹೋದ ನಂತರ ಪ್ರಯಾಣಿಕರು ನಿಟ್ಟುಸಿರು ಬಿಡುವಂತಾಗಿತ್ತು.