Congress Guranteeಗಳ ಸಮೀಕ್ಷೆ ವೇಗ ಪಡೆಯಲಿ: ಸಿಎಂ ಸಿದ್ದರಾಮಯ್ಯ ಸೂಚನೆ

ಸದ್ಯದ ಮಾಹಿತಿ ಪ್ರಕಾರ ಹಣ್ಣು, ತರಕಾರಿ ಖರೀದಿಗೆ ಗೃಹಲಕ್ಷ್ಮಿ ಬಳಸಿದ ಶೇ. 43 ಜನ, ಶೇ. 98 ಮಂದಿಗೆ ಸಿಕ್ಕಿದೆ ಉಚಿತ ಪ್ರಯಾಣ ಲಾಭ

Team Udayavani, Jul 9, 2024, 7:20 AM IST

ಬೆಂಗಳೂರು: ಗ್ಯಾರಂಟಿ ಯೋಜನೆಗಳ ಕುರಿತು ಜಾಗೃತಿ ಮೂಡಿಸಲು ಹಾಗೂ ಫ‌ಲಾನುಭವಿಗಳಿಂದ ಪ್ರತಿಕ್ರಿಯೆ ಪಡೆಯಲು ಸಮೀಕ್ಷೆ ಕಾರ್ಯವನ್ನು ಚುರುಕುಗೊಳಿಸುವಂತೆ ಸಿಎಂ ಸಿದ್ದರಾಮಯ್ಯ ಜಿಲ್ಲಾಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.

ಮಾ.1 ರಿಂದ ಮಾ.15ರ ವರೆಗೆ ಸಮೀಕ್ಷೆ ನಡೆದಿದೆ. ಮಾದರಿ ನೀತಿ ಸಂಹಿತೆ ಜಾರಿಯಲ್ಲಿದ್ದುದರಿಂದ ಶೇ.100ರಷ್ಟು ಸಮೀಕ್ಷೆ ಸಾಧ್ಯವಾಗಿಲ್ಲ. ಈ ಹಿನ್ನೆಲೆಯಲ್ಲಿ ಕಾರ್ಯ ಚುರುಕುಗೊಳಿಸುವಂತೆ ಸಿದ್ದರಾಮಯ್ಯ ಸೂಚನೆ ನೀಡಿದ್ದಾರೆ. ರಾಜ್ಯದಲ್ಲಿ 84.52 ಲಕ್ಷ ಕುಟುಂಬಗಳ ಸುಮಾರು 5 ಕೋಟಿ ಜನರ ಸಮೀಕ್ಷೆ ನಡೆಸಬೇಕಾಗಿದೆ. ಸಮೀಕ್ಷೆಗೆ 72,435 ಅಂಗನವಾಡಿ ಕಾರ್ಯಕರ್ತೆಯರು, 42,417 ಆಶಾ ಕಾರ್ಯಕರ್ತೆಯರು, 2,233 ಬಿಬಿಎಂಪಿ ಸಮೀಕ್ಷಕರು, 581 ನಗರಾಭಿವೃದ್ಧಿ, ಹಾಗೂ ಆರ್‌ಡಿಪಿಆರ್‌ ಕಾರ್ಯಕರ್ತರನ್ನು ಬಳಸಿಕೊಳ್ಳಲಾಗಿದೆ.

ಸದ್ಯದ ಸಮೀಕ್ಷಾ ಫ‌ಲಿತಾಂಶ

ಗೃಹಜ್ಯೋತಿ
– ಶೇ. 98 ಜನರು ಉಚಿತ ವಿದ್ಯುತ್‌ ತಮ್ಮ ಜೀವನಮಟ್ಟ ಸುಧಾರಿಸಿದೆ ಎಂದಿದ್ದಾರೆ.
– ಶೇ. 29ರಷ್ಟು ಜನರು ಉಳಿಕೆ ಹಣ ಅಧ್ಯಯನಕ್ಕೆ ಬಳಸಿದ್ದಾರೆ.
– ಶೇ. 33ರಷ್ಟು ಜನರು ಹಣವನ್ನು ಉಳಿತಾಯಕ್ಕೆ ಬಳಸಿದ್ದಾರೆ.

ಗೃಹಲಕ್ಷ್ಮಿ
– ಶೇ. 43ರಷ್ಟು ಜನರು ಹಣ್ಣು ಮತ್ತು ತರಕಾರಿ ಖರೀದಿಗೆ ಬಳಸಿದ್ದಾರೆ.
-ಶೇ. 13ರಷ್ಟು ಜನರು ಮಕ್ಕಳ ಶಿಕ್ಷಣಕ್ಕೆ ಬಳಸಿದ್ದಾರೆ.
-ಶೇ. 15ರಷ್ಟು ವೈದ್ಯಕೀಯ ವೆಚ್ಚಕ್ಕೆ ಬಳಕೆ.
-ಶೇ. 23ರಷ್ಟು ಜನರು ಗೃಹ ಕೃತ್ಯಕ್ಕೆ ಬಳಕೆ.

ಶಕ್ತಿ
– ಶೇ. 98ರಷ್ಟು ಜನರು ಉಚಿತ ಪ್ರಯಾಣದ ಲಾಭ ಪಡೆದಿದ್ದಾರೆ.
– ಶೇ. 94ರಷ್ಟು ಜನರು ಉಚಿತ ಪ್ರಯಾಣ ಪಡೆಯುವುದು ಸುಲಭ ಎಂದಿದ್ದಾರೆ.

ಅನ್ನಭಾಗ್ಯ
– ಶೇ. 90ರಷ್ಟು ಜನರು ಅಕ್ಕಿಯ ಜತೆಗೆ ಇತರೆ ಧಾನ್ಯ ಬೇಕೆಂದು ಕೇಳಿದ್ದಾರೆ.

ಯುವನಿಧಿ
– ಶೇ. 73ರಷ್ಟು ಯುವಕರು ಆರ್ಥಿಕ ಒತ್ತಡ ಕಡಿಮೆಯಾಗಿದೆ ಎಂದಿದ್ದಾರೆ.