Madhya Pradesh: ನವಿಲು ಗರಿ ಕೀಳುವ ಮೂಲಕ ಚಿತ್ರಹಿಂಸೆ-ವಿಡಿಯೋ ವೈರಲ್‌ ; ಪ್ರಕರಣ ದಾಖಲು

Team Udayavani, May 22, 2023, 1:26 PM IST

ಭೋಪಾಲ್:‌ ನವಿಲಿನ ಗರಿಯನ್ನು ಕಿತ್ತು ಚಿತ್ರಹಿಂಸೆ ನೀಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆದ ನಂತರ ಮಧ್ಯಪ್ರದೇಶದ ಕಾತ್ನಿ ಜಿಲ್ಲೆಯ ಪೊಲೀಸರು ಯುವಕಯೊಬ್ಬನ ವಿರುದ್ಧ ದೂರು ದಾಖಲಿಸಿರುವ ಘಟನೆ ನಡೆದಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ ಓದಿ:ಪತಿಯ ಚಿತಾಭಸ್ಮ ವಿಸರ್ಜನೆ ಮಾಡಿ ಹಿಂತಿರುಗುವಾಗ ಅಪಘಾತ: ಪತ್ನಿ,ಮಗ ಸೇರಿ ನಾಲ್ವರು ಮೃತ್ಯು

ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ವಿಡಿಯೋದಲ್ಲಿ ಯುವಕಯೊಬ್ಬ ಕ್ರೂರವಾಗಿ ನವಿಲಿನ ಗರಿಯನ್ನು ಕಿತ್ತು ತೆಗೆಯುತ್ತಿರುವ ದೃಶ್ಯ ಸೆರೆಯಾಗಿದೆ ಎಂದು ವರದಿ ವಿವರಿಸಿದೆ.

ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ವಿಡಿಯೋ ಆಧರಿಸಿ ತನಿಖೆ ನಡೆಸಿದ ಪೊಲೀಸರು ರಿಧಿ ನಗರದ ಕತ್ನಿ ನಿವಾಸಿ ವಿರುದ್ಧ ಪ್ರಕರಣ ದಾಖಲಿಸಿರುವುದಾಗಿ ವರದಿ ತಿಳಿಸಿದೆ. ಡಿವಿಷನಲ್‌ ಫಾರೆಸ್ಟ್‌ ಆಫೀಸರ್‌(DFO) ಗೌರವ್‌ ಶರ್ಮಾ ಈ ಬಗ್ಗೆ ಮಾಹಿತಿ ನೀಡಿದ್ದು, ಯುವಕಯೊಬ್ಬ ಕ್ರೂರವಾಗಿ ನವಿಲು ಗರಿಯನ್ನು ಕೀಳುತ್ತಿರುವ ವಿಡಿಯೋವನ್ನು ಗುಜರಾತ್‌ ಮೂಲದ ಎನ್‌ ಜಿಒ ಶೇರ್‌ ಮಾಡಿದ್ದು, ಈ ಕುರಿತು ತನಿಖೆ ನಡೆಸಲಾಗಿತ್ತು ಎಂದು ತಿಳಿಸಿದ್ದಾರೆ.

#Bhopal: A man stripping the feathers off a peacock in #MadhyaPradesh‘s Katni has created a furore on social media.

Police have identified the accused and say they are looking for the accused.@Anurag_Dwary Video pic.twitter.com/r4tc4PoWk1

— Siraj Noorani (@sirajnoorani) May 21, 2023

ವಿಡಿಯೋದಲ್ಲಿ ಸೆರೆಯಾಗಿರುವ ಬೈಕ್‌ ನಂಬರ್‌ ಆಧರಿಸಿ ಪ್ರಕರಣ ದಾಖಲಿಸಲಾಗಿದ್ದು, ಆರೋಪಿ ಬಂಧನಕ್ಕಾಗಿ ಪೊಲೀಸರು ಶೋಧ ಕಾರ್ಯ ನಡೆಸುತ್ತಿದ್ದಾರೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.