Maha Vikas Agadi: ಬಹಿಷ್ಕಾರ ಕೈಬಿಟ್ಟು ಪ್ರಮಾಣ ಸ್ವೀಕರಿಸಿದ ಎಂವಿಎ ಶಾಸಕರು!

Team Udayavani, Dec 9, 2024, 4:38 AM IST

ಮುಂಬೈ: ಇವಿಎಂನಿದಾಗಿ ಮಹಾಯುತಿ ಒಕ್ಕೂಟ ಮಹಾರಾಷ್ಟ್ರದಲ್ಲಿ ಜಯ ಗಳಿಸಿದೆ ಎಂದು ಆರೋಪಿಸಿ ಪ್ರಮಾಣ ವಚನ ಬಹಿಷ್ಕರಿಸಿದ್ದ ಮಹಾ ವಿಕಾಸ ಅಘಾಡಿ ನಾಯಕರು ಭಾನುವಾರ ಶಾಸಕರಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ.

ಪ್ರಮುಖರಾಗಿರುವ ನಾನಾ ಪಾಟೋಲೆ, ವಿಜಯ್‌ ವಡೇಟ್ಟಿವರ್‌, ಆದಿತ್ಯ ಠಾಕ್ರೆ ಸೇರಿದಂತೆ ಒಟ್ಟು 105 ವಿಪಕ್ಷಗಳ ಶಾಸಕರು ಪ್ರಮಾಣ ವಚನ ಸ್ವೀಕರಿಸಿದ್ದಾರೆ. ಶನಿವಾರ ಒಟ್ಟು 173 ಮಂದಿ ಶಾಸಕರು ಪ್ರಮಾಣ ವಚನ ಸ್ವೀಕರಿಸಿದ್ದರು. ಪ್ರಮಾಣ ವಚನ ಸ್ವೀಕರಿಸಿದ ಬೆನ್ನಲ್ಲೇ ಎಂವಿಎ ಶಾಸಕರು ಮುಖ್ಯಮಂತ್ರಿ ದೇವೇಂದ್ರ ಫ‌ಡ್ನವೀಸ್‌ ಅವರನ್ನು ಭೇಟಿ ಮಾಡಿ, ವಿಪಕ್ಷಗಳಿಗೆ ಡೆಪ್ಯುಟಿ ಸ್ಪೀಕರ್‌ ಹುದ್ದೆ ನೀಡಬೇಕೆಂದು ಒತ್ತಾಯಿಸಿದ್ದಾರೆ.