ಮಂಡ್ಯ:ಕೋವಿಡ್ ಸೋಂಕಿನಿಂದ 360 ಮಂದಿ ಗುಣಮುಖ! 199 ಹೊಸ ಪ್ರಕರಣ ಪತ್ತೆ

Team Udayavani, Sep 15, 2020, 6:58 PM IST

ಮಂಡ್ಯ: ಜಿಲ್ಲೆಯಲ್ಲಿ ಮಂಗಳವಾರ ಕೋವಿಡ್ ಸೋಂಕು ಮುಕ್ತರಾಗಿ 360 ಮಂದಿ ಬಿಡುಗಡೆಯಾಗಿದ್ದರೆ, 199 ಹೊಸ ಪ್ರಕರಣಗಳು ಪತ್ತೆಯಾಗಿವೆ.

ಮಂಡ್ಯ 247, ಮದ್ದೂರು 12, ಪಾಂಡವಪುರ 52, ಕೆ.ಆರ್.ಪೇಟೆ 28, ನಾಗಮಂಗಲದ 21 ಮಂದಿ ಕೋವಿಡ್ ನಿಂದ ಸಂಪೂರ್ಣವಾಗಿ ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. ಇದುವರೆಗೂ ಜಿಲ್ಲೆಯಲ್ಲಿ 6537 ಮಂದಿ ಗುಣಮುಖರಾಗಿದ್ದರೆ, 1943 ಸಕ್ರಿಯ ಪ್ರಕರಣಗಳಿವೆ.

199 ಹೊಸ ಪ್ರಕರಣಗಳಲ್ಲಿ ಮಂಡ್ಯ 54, ಮದ್ದೂರು 23, ಮಳವಳ್ಳಿ 21, ಪಾಂಡವಪುರ 31, ಶ್ರೀರಂಗಪಟ್ಟಣ 14, ಕೆ.ಆರ್.ಪೇಟೆ 36 ಹಾಗೂ ನಾಗಮಂಗಲ 20 ಮಂದಿಗೆ ಸೋಂಕು ಆವರಿಸಿದೆ.

ಜಿಲ್ಲೆಯಲ್ಲಿ ಇದುವರೆಗೂ 8568 ಪ್ರಕರಣಗಳು ದಾಖಲಾಗಿವೆ. ಜಿಲ್ಲೆಯ ಸರ್ಕಾರಿ ಆಸ್ಪತ್ರೆಗಳ ಐಸೋಲೇಷನ್‌ನಲ್ಲಿ 431, ಖಾಸಗಿ ಆಸ್ಪತ್ರೆಗಳ ಐಸೋಲೇಷನ್‌ನಲ್ಲಿ 108, ಜಿಲ್ಲಾ ಕೋವಿಡ್ ಕೇರ್ ಸೆಂಟರ್‌ಗಳಲ್ಲಿ 459 ಹಾಗೂ ಹೋಂ ಐಸೋಲೇಷನ್‌ನಲ್ಲಿ 945 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

2653 ಮಂದಿಗೆ ಪರೀಕ್ಷೆ:
ಜಿಲ್ಲೆಯಲ್ಲಿ ಮಂಗಳವಾರ ಒಂದೇ ದಿನ 2653 ಮಂದಿಗೆ ಕೊರೊನಾ ಪರೀಕ್ಷೆ ನಡೆಸಲಾಗಿತ್ತು. ಇದರಲ್ಲಿ 2110 ರ‍್ಯಾಪಿಡ್ ಹಾಗೂ 543 ಆರ್‌ಟಿಪಿಸಿಆರ್ ಪರೀಕ್ಷೆ ನಡೆಸಲಾಗಿತ್ತು.