Mangalore: “ಚಡ್ಡಿ ಗ್ಯಾಂಗ್‌’ನಿಂದ ದೇಶದ ವಿವಿಧೆಡೆ ದರೋಡೆ?

Team Udayavani, Jul 12, 2024, 11:38 AM IST

ಮಂಗಳೂರು: ಪೊಲೀಸರ ಬಲೆಗೆ ಬಿದ್ದಿರುವ ಮಧ್ಯಪ್ರದೇಶದ ಕುಖ್ಯಾತ ದರೋಡೆಕೋರ “ಚಡ್ಡಿ ಗ್ಯಾಂಗ್‌’ ಮಂಗಳೂರಿನಲ್ಲಿ ಮಾತ್ರ ವಲ್ಲದೆ ದೇಶದ ವಿವಿಧೆಡೆ ದರೋಡೆ ಕೃತ್ಯದಲ್ಲಿ ಭಾಗಿಯಾಗಿರುವ ಮಾಹಿತಿ ಪೊಲೀಸರಿಗೆ ಮಾಹಿತಿ ಲಭ್ಯವಾಗಿದೆ.

ಮಂಗಳೂರಿನಲ್ಲಿ ಕೋಟೆಕಣಿ ರಸ್ತೆಯ ಮನೆಯೊಂದರಲ್ಲಿ ನಡೆದ ದರೋಡೆ ಪ್ರಕರಣಕ್ಕೆ ಸಂಬಂಧಿಸಿ ಚಡ್ಡಿ ಗ್ಯಾಂಗ್‌ನ ಸದಸ್ಯರು ಬಂಧನ ವಾಗಿರುವ ಸುದ್ದಿ ಪ್ರಕಟವಾಗುತ್ತಿದ್ದಂತೆ ರಾಜ್ಯ ಮಾತ್ರವಲ್ಲದೆ ಹೊರ ರಾಜ್ಯಗಳಿಂದಲೂ ಪೊಲೀಸ್‌ ಆಯುಕ್ತರ ಕಚೇರಿಗೆ ಕರೆಬಂದಿದೆ.

ದೂರದ ಉತ್ತರ ಪ್ರದೇಶದಿಂದಲೂ ಪೊಲೀಸರು ಕರೆ ಮಾಡಿ ತಮ್ಮಲ್ಲಿ ನಡೆದಿರುವ ಪ್ರಕರಣಗಳಲ್ಲಿ ಈ ವ್ಯಕ್ತಿಗಳು ಭಾಗಿಯಾಗಿರುವ ಶಂಕೆ ವ್ಯಕ್ತಪಡಿಸಿದ್ದಾರೆ. ಆಸ್ಪತ್ರೆಯಲ್ಲಿ ಮುಂದುವರಿದ ಚಿಕಿತ್ಸೆ ಬಂಧಿಸಲ್ಪಟ್ಟಿರುವ ಮಧ್ಯಪ್ರದೇಶದ
ಗುಣಾಜಿಲ್ಲೆ ರಗೋಗರ್‌ ನಿವಾಸಿ ರಾಜು ಸಿಂಗ್ವಾನಿಯ (24) ಮತ್ತು ಮಧ್ಯಪ್ರದೇಶ ಅಶೋಕನಗರ ನಿವಾಸಿ ಬಾಲಿ (22) ಶೂಟೌಟ್‌ನಿಂದ ಗಾಯಗೊಂಡು ವೆನ್ಲಾಕ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಇನ್ನಿಬ್ಬರು ಆರೋಪಿಗಳಾದ ಮಧ್ಯಪ್ರದೇಶ ಭೂಪಾಲ್‌ ಗುಲಬ್‌ಗಂಜ್‌ ನಿವಾಸಿ ಮಯೂರ್‌, ಮಧ್ಯಪ್ರದೇಶ ಗುಣಾ ಕೋತ್ವಾಲಿ ನಿವಾಸಿ ವಿಕ್ಕಿ ನ್ಯಾಯಾಂಗ ಬಂಧನದಲ್ಲಿದ್ದಾರೆ. ತನಿಖಾ ತಂಡ ನ್ಯಾಯಾಲಯದ ಆರೋಪಿಗಳನ್ನು ಪೊಲೀಸ್‌ ಕಸ್ಟಡಿಗೆ ನೀಡುವಂತೆ ನ್ಯಾಯಾಲಯಕ್ಕೆ ಮನವಿ ಮಾಡಿದೆ.

ಇದನ್ನೂ ಓದಿ:Ripponpet; ಮೂತ್ರ ವಿಸರ್ಜನೆ ಮಾಡುತ್ತಿದ್ದಾಗ ಕರೆಂಟ್ ಶಾಕ್; ವಿದ್ಯಾರ್ಥಿ ಸಾವು