Matter of scandal: ವಾರದಲ್ಲಿ ಇನ್ನಷ್ಟು ಹಗರಣಗಳು ಬೆಳಕಿಗೆ: ಶಾಸಕ ಶಿವರಾಂ ಹೆಬ್ಬಾರ್‌

Team Udayavani, Aug 25, 2024, 10:42 PM IST

ಶಿರಸಿ: ರಾಜ್ಯದಲ್ಲಿ ಕೇವಲ ವಾಲ್ಮೀಕಿ ನಿಗಮ-ಮುಡಾ ಹಗರಣ ಮಾತ್ರ ಚರ್ಚೆಯಾಗುತ್ತಿಲ್ಲ. ಇವುಗಳ ಜತೆಗೆ ಕುಮಾರಸ್ವಾಮಿ, ಯಡಿಯೂರಪ್ಪ ಅವರ ಅಧಿಕಾರ ಅವಧಿಯಲ್ಲಿ ನಡೆದ ಹಗರಣದ ವಿಷಯವೂ ಚರ್ಚೆ ನಡೆಯುತ್ತಿದೆ. ಇನ್ನೊಂದು ವಾರದೊಳಗೆ ಇನ್ನಷ್ಟು ವಿಷಯ ಬೆಳಕಿಗೆ ಬರಬಹುದು ಎಂದು ಬಿಜೆಪಿ ರೆಬೆಲ್‌ ಶಾಸಕ ಶಿವರಾಮ್‌ ಹೆಬ್ಬಾರ್‌ ಭವಿಷ್ಯ ಹೇಳಿದರು.

ಪತ್ರಕರ್ತರ ಜತೆ ಮಾತನಾಡಿದ ಅವರು, ಹಲವು ಸಚಿವರ ಹಗರಣದ ಬಗ್ಗೆಯೂ ಚರ್ಚೆಯಿದೆ. ಇನ್ನೂ ನಾಲ್ಕಾರು ದಿನದಲ್ಲಿ ಮುಡಾ ಹೆಸರಿನಲ್ಲಿ ಮತ್ತಷ್ಟು ಜನರ ಹಗರಣಗಳು ಹೊರ ಬರಲಿವೆ. ಅದರಲ್ಲಿ ಯಾವುದು ಸತ್ಯ, ಯಾವುದು ಸುಳ್ಳು ಎಂದು ಹೇಳಲು ನ್ಯಾಯಾಲಯವಿದೆ. ಸಿಎಂ ವಿರುದ್ಧ ಅಭಿಯೋಜನೆಗೆ ಅನುಮತಿ ನೀಡಿರುವ ಹಿಂದೆ ಒತ್ತಡ ಇರಬಹುದು. ರಾಜ್ಯಪಾಲರ ಹುದ್ದೆ ಉಳಿಯಬೇಕು ಎಂದರೆ ಬಿಜೆಪಿ ಹೇಳಿದಂತೆ ಕೇಳಬೇಕು ಎಂದರು.