ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ವಾನರ!

Team Udayavani, Oct 2, 2021, 10:22 PM IST

ನವದೆಹಲಿ: ಇಂದಿರಾಗಾಂಧಿ ವಿಮಾನ ನಿಲ್ದಾಣದಲ್ಲಿ ಇತ್ತೀಚೆಗೆ ಕೋತಿ ಆಗಮಿಸಿ ಎಲ್ಲರನ್ನೂ ಚಕಿತಗೊಳಿಸಿದೆ.

ಅದೆಲ್ಲಿಂದಲೋ ವಿಮಾನ ನಿಲ್ದಾಣದೊಳಕ್ಕೆ ನುಸುಳಿದ್ದ ಅದು, ನಿಲ್ದಾಣದ ಡೊಮೆಸ್ಟಿಕ್‌ ವಿಭಾಗದ ಕೌಂಟರ್‌ ಒಂದರ ಮೇಲೆ ಕುಳಿತು, ಅಲ್ಲಿ ಪ್ರಯಾಣಿಕರೊಬ್ಬರು ಇಟ್ಟಿದ್ದ ಹಣ್ಣಿನ ಜ್ಯೂಸ್‌ ಕುಡಿದಿದೆ. ಆನಂತರ, ಕೌಂಟರ್‌ನೆಲ್ಲೆಡೆ ಓಡಾಡಿದೆ.

ಆನಂತರ, ಭದ್ರತಾ ಸಿಬ್ಬಂದಿ ಆಗಮಿಸಿ ಕೋತಿಯನ್ನು ಸೆರೆ ಹಿಡಿದು ಕೊಂಡೊಯ್ದಿದ್ದಾರೆ. ವಿಮಾನ ನಿಲ್ದಾಣದ ಡೊಮೆಸ್ಟಿಕ್‌ ವಿಭಾಗಕ್ಕೆ ಕೋತಿಯೊಂದು ನುಗ್ಗಿತ್ತೆಂದು ವಿಮಾನ ನಿಲ್ದಾಣಗಳ ಮೂಲಗಳು ಹೇಳಿವೆ.

ಇದನ್ನೂ ಓದಿ:ಮೈಸೂರು ಮೃಗಾಲಯ ಸೇರಿದೆ ನಾಲ್ಕು ಒರಾಂಗುಟಾನ್‌, ಎರಡು ಗೊರಿಲ್ಲಾ

ಆದರೆ, ಅದು ಯಾವತ್ತು ಮತ್ತು ಯಾವಾಗ ಬಂದಿತ್ತೆಂಬ ಬಗ್ಗೆ ಮಾಹಿತಿ ನೀಡಿಲ್ಲ. ಇನ್ನು, ದೆಹಲಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ (ಡಿಐಎಎಲ್‌) ಘಟನೆಯನ್ನು ಖಚಿತಪಡಿಸಿಲ್ಲ.