ಹಾರರ್‌ ಚಿತ್ರದಲ್ಲಿ ನಟಿಸಲಿದ್ದಾರೆ ನಿಧಿ ಸುಬ್ಬಯ್ಯ!

Team Udayavani, Dec 5, 2020, 5:07 PM IST

ನಟಿ ನಿಧಿ ಸುಬ್ಬಯ್ಯ ಸದ್ದಿಲ್ಲದೇ ಹೊಸ ಸಿನಿಮಾ ಒಪ್ಪಿಕೊಂಡಿದ್ದಾರೆ. ಅದು ಹಾರರ್‌ ಸಿನಿಮಾ ಎಂಬುದು ವಿಶೇಷ. ನಿಧಿ ಸುಬ್ಬಯ್ಯ ಕೊನೆಯದಾಗಿ ಕಾಣಿಸಿಕೊಂಡ ಚಿತ್ರ “ಆಯುಷ್ಮಾನ್‌ ಭವ’. ಆನಂತರ ಯಾವುದೇ ಸಿನಿಮಾದಲ್ಲಿ ನಟಿಸಿರಲಿಲ್ಲ. ಈಗ ಮತ್ತೆ ತೆರೆಮೇಲೆಕಾಣಿಸಿಕೊಳ್ಳಲು ಸಿದ್ಧರಾಗಿದ್ದಾರೆ. ಅವರ ಹೊಸ ಚಿತ್ರ ಜನವರಿಯಿಂದ ಶುರುವಾಗಲಿದೆ. ಈ ಚಿತ್ರವನ್ನು
ಪವನ್‌ ಹಾಗೂ ಪ್ರಸಾದ್‌ ಎನ್ನುವವರು ನಿರ್ದೇಶಿಸುತ್ತಿದ್ದಾರೆ.

“ಮಮ್ಮಿ’, “ದೇವಕಿ’ ಚಿತ್ರಗಳನ್ನು ನಿರ್ದೇಶಿಸಿರುವ ಲೋಹಿತ್‌ ಈ ಚಿತ್ರದ ಹಿಂದಿದ್ದಾರೆ. ಅವರು ತಮ್ಮ ಸ್ನೇಹಿತರ ಜೊತೆ ಸೇರಿ
ಆರಂಭಿಸಿರುವ “ಫ್ರೈಡೇ ಫಿಲಂಸ್‌’ ಈ ಚಿತ್ರವನ್ನು ನಿರ್ಮಿಸುತ್ತಿದೆ. ಇವರ ಜೊತೆ ಸಿಲ್ವರ್‌ ಸ್ಕ್ರೀನ್‌ ಇಂಟರ್‌ನ್ಯಾಶನಲ್‌ ಹಾಗೂ
ಸಿ.ಕೆ. ಸಿನಿಕ್ರಿಯೇಶನ್ಸ್‌ ಕೈ ಜೋಡಿಸುತ್ತಿದೆ. ಇದು ಫ್ರೈಡೇ ಫಿಲಂಸ್‌ ಬ್ಯಾನರ್‌ನಲ್ಲಿ ತಯಾರಾಗುತ್ತಿರುವ ಎರಡನೇ ಸಿನಿಮಾ. ಈಗಾಗಲೇ ಈ ಬ್ಯಾನರ್‌ನಲ್ಲಿ “ಲೈಫ್ ಇಸ್‌ ಬ್ಯೂಟಿಫ‌ುಲ್‌’ ಚಿತ್ರ ತಯಾರಾಗಿದ್ದು, ಡಬ್ಬಿಂಗ್‌ ಹಂತದಲ್ಲಿದೆ. ಈಗ ಹಾರರ್‌ ಸಿನಿಮಾ ಮಾಡಲು ಮುಂದಾಗಿದೆ.

ಇದನ್ನೂ ಓದಿ:ಯುವತಿಯರ ಫ್ಯಾಶನ್‌ ಲೋಕದಲ್ಲಿನ ಬದಲಾವಣೆ… ಪ್ಯಾಂಟ್‌ ಸಾರಿ

ಈ ಚಿತ್ರದ ಬಗ್ಗೆ ಮಾತನಾಡುವ ಲೋಹಿತ್‌, “ಹೊಸ ಬಗೆಯ ಕಥೆಯೊಂದಿಗೆ ಹಾರರ್‌ ಸಿನಿಮಾ ಮಾಡುತ್ತಿದ್ದೇವೆ. ಜನವರಿಯಿಂದ
ಆರಂಭವಾಗಲಿದೆ’ ಎನ್ನುವುದು ಲೋಹಿತ್‌ ಮಾತು.