ಉತ್ತರ ಒಡಿಶಾ ವಿಶ್ವವಿದ್ಯಾಲಕ್ಕೆ ಮಹಾರಾಜ ಭಂಜ್‌ ದೇವರ ಹೆಸರು

Team Udayavani, Dec 24, 2020, 9:10 PM IST

ಭುವನೇಶ್ವರ್‌: ಒಡಿಶಾ ಸರ್ಕಾರ ಪ್ರತಿಷ್ಠಿತ ಉತ್ತರ ಒಡಿಶಾ ವಿಶ್ವವಿದ್ಯಾಲಯದ ಹೆಸರನ್ನು ಮಹಾರಾಜಾ ಶ್ರೀ ರಾಮಚಂದ್ರ ಭಂಜ್‌ದೇವ್‌ ವಿವಿ ಎಂದು ಬದಲಿಸಿದೆ.

1882ರಲ್ಲಿ ಮಯೂರ ಭಂಜ್‌ ಸಾಮ್ರಾಜ್ಯದ ರಾಜರಾಗಿ ಪಟ್ಟ ಸ್ವೀಕರಿಸಿದ್ದ ಶ್ರೀರಾಮಚಂದ್ರ ಭಂಜ್‌ ದೇವ್‌ ಅವರು ತಮ್ಮ ಚಿಕ್ಕ ಜೀವಿತಾವಧಿಯಲ್ಲೇ ಅನೇಕ ಜನೋಪಕಾರಿ ಯೋಜನೆಗಳನ್ನು ಜಾರಿಗೆ ತಂದಿದ್ದವರು, ಸಾಮಾಜಿಕ ಪರಿವರ್ತನೆಗೆ ಮುನ್ನುಡಿ ಬರೆದವರು.

ಈಗಿನ ಒಡಿಶಾ ಅಂದಿನ ಮಯೂರ್‌ ಭಂಜ್‌ ಸಾಮ್ರಾಜ್ಯದ ಭಾಗವಾಗಿತ್ತು. ಅವರ 150ನೇ ಜಯಂತಿಯ ಈ ಹಿನ್ನೆಲೆಯಲ್ಲಿ ಮುಖ್ಯಮಂತ್ರಿ ನವೀನ್‌ ಪಟ್ನಾಯಕ್‌ ನೇತೃತ್ವದ ಸರ್ಕಾರ ಮಹಾರಾಜರ 150 ಜಯಂತಿಯ ಅಂಗವಾಗಿ ಇತ್ತೀಚೆಗಷ್ಟೇ ಎಸ್‌ಸಿಬಿ ಮೆಡಿಕಲ್‌ ಕಾಲೇಜಿಗೂ ಶ್ರೀರಾಮಚಂದ್ರ ಭಂಜ್‌ ದೇವ್‌ ಹೆಸರಿಟ್ಟಿತ್ತು.