Watch Viral Video: ಹೊಡೆದಾಟ-ಬಡಿದಾಟ-ಮದುವೆ ಸಮಾರಂಭದ ಊಟದ ವೇಳೆ ಮಾರಾಮಾರಿ…

Team Udayavani, Sep 1, 2023, 5:29 PM IST

ಇಸ್ಲಾಮಾಬಾದ್:‌ ಪಾಕಿಸ್ತಾನದ ಮದುವೆ ಸಮಾರಂಭದ ಊಟದ ವೇಳೆ ವ್ಯಕ್ತಿಯೊಬ್ಬ ಅತಿಥಿಯೊಬ್ಬನ ಟೊಪ್ಪಿಯನ್ನು ಉದುರಿಸಿದ ಪರಿಣಾಮ ಮಾರಾಮಾರಿ ನಡೆದಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಇದನ್ನೂ ಓದಿ:Kiccha 47: ವಿಜಯೇಂದ್ರ ಪ್ರಸಾದ್ ಕಥೆಗೆ ಕಿಚ್ಚ ಸುದೀಪ್ ಹೀರೋ; ಆರ್.ಚಂದ್ರು ನಿರ್ದೇಶನ

ಆರು ನಿಮಿಷಗಳ ಕಾಲದ ಈ ವಿಡಿಯೋದಲ್ಲಿ, ಮದುವೆ ಆಗಮಿಸಿದ್ದ ಜನರು ತಮ್ಮ, ತಮ್ಮ ಟೇಬಲ್‌ ಗಳಲ್ಲಿ ಕುಳಿತು ಊಟ ಮಾಡುತ್ತಿದ್ದರು. ಮಹಿಳೆಯರು ಮತ್ತು ಪುರುಷರಿಗಾಗಿ ಪ್ರತ್ಯೇಕ ಊಟದ ವ್ಯವಸ್ಥೆಆಗಿ ಬಿಳಿ ಬಟ್ಟೆಯಿಂದ ಪರದೆ ಕಟ್ಟಲಾಗಿತ್ತು. ಈ ಸಂದರ್ಭದಲ್ಲಿ ಊಟದ ಟೇಬಲ್‌ ಬಳಿ ಬಂದ ವ್ಯಕ್ತಿಯೊಬ್ಬ ಅತಿಥಿಯೊಬ್ಬರ ಟೊಪ್ಪಿಯನ್ನು ಏಕಾಏಕಿ ಉದುರಿಸಿಬಿಟ್ಟಿದ್ದ. ಆ ವೇಳೆ ಹೊಡೆದಾಟ ಆರಂಭವಾಗಿ ರಣಾಂಗಣವಾಗಿ ಮಾರ್ಪಟ್ಟಿರುವುದು ಸೆರೆಯಾಗಿದೆ.

ಮುಖ-ಮೂತಿ ನೋಡದೇ ಕುರ್ಚಿಯಿಂದ ಹೊಡೆದಾಡಿಕೊಳ್ಳುತ್ತಾ…ಇಡೀ ಊಟದ ಹಾಲ್‌ ತುಂಬಾ ಗದ್ದಲ, ಬಡಿದಾಟದಲ್ಲಿ ನಿರತರಾಗಿದ್ದರು. ಈ ವೇಳೆ ಮಹಿಳೆಯರು ಹೊಡೆದಾಟ ನಿಲ್ಲಿಸಲು ಪ್ರಯತ್ನಿಸುತ್ತಿರುವುದು ವಿಡಿಯೋದಲ್ಲಿದೆ.

Kalesh during marriage ceremony in pakistan over mamu didn’t got Mutton pieces in biriyani pic.twitter.com/mYrIMbIVVx

— Ghar Ke Kalesh (@gharkekalesh) August 29, 2023

ಸಾಮಾಜಿಕ ಜಾಲತಾಣ X ನಲ್ಲಿ ಈ ವಿಡಿಯೋ ಶೇರ್‌ ಮಾಡಲಾಗಿದ್ದು, ಸಾವಿರಾರು ಮಂದಿ ವೀಕ್ಷಿಸಿದ್ದಾರೆ. ಬಹುಶಃ ಮಹಿಳೆಯರು ಪ್ರತ್ಯೇಕವಾಗಿ ಕುಳಿತುಕೊಂಡಿದ್ದಕ್ಕೆ ಅಸಮಾಧಾನಗೊಂಡು ಈ ರೀತಿ ಹೊಡೆದಾಡಿಕೊಂಡಿರಬಹುದು ಎಂದು ಬಳಕೆದಾರರೊಬ್ಬರು ವ್ಯಂಗ್ಯವಾಡಿದ್ದು, ಹಲವು ಬಳಕೆದಾರರು ವಿವಿಧ ರೀತಿಯಲ್ಲಿ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ.