ಅಂಟಾಲಿಯಾ ಪ್ರಕರಣ: ಮಾಜಿ ಪೊಲೀಸ್‌ ಅಧಿಕಾರಿ ಸೇರಿ 10 ಮಂದಿ ವಿರುದ್ಧ ಚಾರ್ಜ್‌ಶೀಟ್‌

Team Udayavani, Sep 3, 2021, 9:45 PM IST

ಮುಂಬೈ : ಉದ್ಯಮಿ ಮುಕೇಶ್‌ ಅಂಬಾನಿ ನಿವಾಸ “ಅಂಟಾಲಿಯಾ’ ಸ್ಫೋಟದ ಬೆದರಿಕೆ ಪ್ರಕರಣದ ತನಿಖೆ ನಡೆಸುತ್ತಿರುವ ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್‌ಐಎ), ಮಾಜಿ ಪೊಲೀಸ್‌ ಅಧಿಕಾರಿಗಳಾದ ಸಚಿನ್‌ ವಾಜೆ, ಪ್ರದೀಪ್‌ ಶರ್ಮಾ ಹಾಗೂ ಇತರ ಎಂಟು ಮಂದಿಯ ವಿರುದ್ಧ ಆರೋಪಪಟ್ಟಿ ದಾಖಲಿಸಿದ್ದಾರೆ.

9,000 ಸಾವಿರ ಪುಟಗಳ ಆರೋಪಪಟ್ಟಿಯಲ್ಲಿ, ವಿನಾಯಕ್‌ ಶಿಂಧೆ, ನರೇಶ್‌ ಗೋರ್‌, ನಿಯಾಜುದ್ದೀನ್‌ ಕಾಜಿ, ಸುನಿಲ್‌ ಮಾನೆ, ಆನಂದ್‌ ಜಾಧವ್‌, ಸತೀಶ್‌ ಮೊತ್ಕುರಿ, ಮನೀಶ್‌ ಸೋನಿ ಹಾಗೂ ಸಂತೋಷ್‌ ಶೆಲಾರ್‌ ಅವರ ಹೆಸರುಗಳೂ ಇವೆ. ಇವರಲ್ಲಿ ಶಿಂಧೆ, ಕಾಜಿ, ಮಾನೆ ಕೂಡ ಪೊಲೀಸ್‌ ಅಧಿಕಾರಿಗಳಾಗಿದ್ದು, ಶಿಂಧೆ ಬೇರೊಂದು ಪ್ರಕರಣದಲ್ಲಿ ಅಮಾನತು ಆಗಿದ್ದರೆ, ಕಾಜಿ ಮತ್ತು ಮಾನೆ ಇದೇ ಪ್ರಕರಣದಲ್ಲಿ ಬಂಧನಕ್ಕೀಡಾದಾಗ ಅಮಾನುತುಗೊಂಡಿದ್ದಾರೆ.

ಇದನ್ನೂ ಓದಿ :ಪ್ರಧಾನಿ ಮೋದಿ ಮನೆಯಂಗಳದಲ್ಲಿ ಕೇರಳದ ಪುಟಾಣಿ ಉಡುಗೊರೆಯಾಗಿ ನೀಡಿದ ಪೇರಳೆ ಗಿಡ