ರೈಲು ಚಾಲಕನ ಸಮಯಪ್ರಜ್ಞೆೆ: ಹಳಿ ದಾಟುತ್ತಿದ್ದ ವೃದ್ಧ ಪಾರು

Team Udayavani, Jul 19, 2021, 1:57 AM IST

ಮುಂಬಯಿ: ರೈಲ್ವೇ ಹಳಿ ದಾಟಿಕೊಂಡು ಹೋಗುತ್ತಿದ್ದ ಹರಿಶಂಕರ್‌ (70) ಎಂಬ ಹಿರಿಯ ನಾಗರಿಕೊಬ್ಬರನ್ನು ಮುಂಬಯಿ- ವಾರಾಣಸಿ ರೈಲು ಚಾಲಕ ರಕ್ಷಿಸಿದ್ದಾರೆ.

ಕಲ್ಯಾಣ್‌ ಸ್ಟೇಷನ್‌ನಿಂದ ರೈಲು ಹೊರಟು ಸ್ವಲ್ಪ ದೂರ ಬರುತ್ತಿದ್ದಂತೆಯೇ ಹಳಿ ದಾಟುತ್ತಿದ್ದ ಹರಿಶಂಕರ್‌ ಕಾಲು ಜಾರಿ ಬಿದ್ದರು. ಈ ಸಂದರ್ಭದಲ್ಲಿಯೇ ಅವರು ರೈಲಿಗೆ ಸಿಕ್ಕಿ ಹಾಕಿಕೊಂಡರು. ಕೂಡಲೇ ಚಾಲಕ ತುರ್ತು ಬ್ರೇಕ್‌ ಹಾಕಿ, ರೈಲು ಅವರ ಮೇಲೆ ಹರಿದು ಹೋಗದಂತೆ ಎಚ್ಚರ ವಹಿಸಿದರು.

ಕೂಡಲೇ ರೈಲಿನಿಂದ ಇಳಿದ ಚಾಲಕರಾಗಿರುವ ಎಸ್‌.ಕೆ.ಪ್ರಧಾನ್‌ ಮತ್ತು ರವಿ ಶಂಕರ್‌ ಜಿ. ವೃದ್ಧ ರೈಲಿನ ಅಡಿಯಿಂದ ಹೊರಬರಲು ಸಹಾಯ ಮಾಡಿದರು. ಕೇಂದ್ರ ರೈಲ್ವೇಯ ಜನರಲ್‌ ಮ್ಯಾನೇಜರ್‌ ಅಲೋಕ್‌ ಕನ್ಸಲ್‌ ಚಾಲಕರಿಬ್ಬರಿಗೂ ತಲಾ 2 ಸಾವಿರ ರೂ. ನಗದು ಬಹುಮಾನ ನೀಡಿದ್ದಾರೆ. ವೃದ್ಧರಿಗೆ ನೆರವು ನೀಡುವ ಫೋಟೋ-ವೀಡಿಯೋ ಈಗ ವೈರಲ್‌ ಆಗಿದೆ.