Ratan Tata ಆರೋಗ್ಯದಲ್ಲಿ ಏರುಪೇರು-ಆಸ್ಪತ್ರೆಗೆ ದಾಖಲು: ಆತಂಕ ಬೇಡ: ರತನ್‌ ಟಾಟಾ

Team Udayavani, Oct 7, 2024, 1:07 PM IST

ಮುಂಬೈ: ಖ್ಯಾತ ಉದ್ಯಮಿ, ಟಾಟಾ ಸನ್ಸ್‌ ಸಂಸ್ಥೆಯ ಮಾಜಿ ಅಧ್ಯಕ್ಷ ರತನ್‌ ಟಾಟಾ(Ratan Tata) ಅವರ ಆರೋಗ್ಯದಲ್ಲಿ ಸೋಮವಾರ(ಅ.07) ಬೆಳಗ್ಗೆ ಏರುಪೇರಾಗಿದ್ದು, ಇಲ್ಲಿನ ಬ್ರೀಚ್‌ ಕ್ಯಾಂಡಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ತನ್ನ ಆರೋಗ್ಯದ ಬಗ್ಗೆ ಯಾವುದೇ ಕಳವಳ ಬೇಡ, ಆರೋಗ್ಯದಿಂದ ಇದ್ದೇನೆ ಎಂದು ರತನ್‌ ಟಾಟಾ ತಿಳಿಸಿದ್ದಾರೆ.

ರತನ್‌ ಟಾಟಾ(86ವರ್ಷ) ಅವರ ರಕ್ತದೊತ್ತಡದಲ್ಲಿ ಏರುಪೇರಾಗಿದ್ದು, ಲೋ ಬಿಪಿಯಿಂದಾಗಿ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅವರನ್ನು ಐಸಿಯುನಲ್ಲಿಟ್ಟು ನಿಗಾ ವಹಿಸಲಾಗಿತ್ತು ಎಂದು ವರದಿ ವಿವರಿಸಿದೆ.

ತಮ್ಮ ಆರೋಗ್ಯದ ಕುರಿತ ಊಹಾಪೋಹಕ್ಕೆ ಸಂಬಂಧಿಸಿದಂತೆ ರತನ್‌ ಟಾಟಾ ಅವರು ತಮ್ಮ Instagramನಲ್ಲಿ ಪೋಸ್ಟ್‌ ಹಂಚಿಕೊಂಡಿದ್ದು, ಇದು ಮಾಮೂಲಿ ಮೆಡಿಕಲ್‌ ಚೆಕ್‌ ಅಪ್‌ ಆಗಿದ್ದು, ವಯೋ ಸಹಜ ಸಮಸ್ಯೆ ಬಗ್ಗೆ ಆರೋಗ್ಯ ತಪಾಸಣೆಗೆ ಆಸ್ಪತ್ರೆಗೆ ಬಂದಿದ್ದು, ಯಾವುದೇ ಕಳವಳ ಪಡಬೇಕಾದ ಅಗತ್ಯವಿಲ್ಲ ಎಂದು ತಿಳಿಸಿದ್ದಾರೆ.