ಶ್ರೀಲೀಲಾ ನಟನೆಯ ಬೈ ಟು ಲವ್‌ ಚಿತ್ರಕ್ಕೆ ಮುಹೂರ್ತ

Team Udayavani, Dec 26, 2020, 12:35 PM IST

ನಟಿ ಶ್ರೀಲೀಲಾ “ಬೈ ಟು ಲವ್‌’ ಎಂಬ ಸಿನಿಮಾ ಒಪ್ಪಿಕೊಂಡಿರುವ ವಿಚಾರ ನಿಮಗೆ ಗೊತ್ತೇ ಇದೆ. ಈಗ ಆ ಚಿತ್ರಕ್ಕೆ ಮುಹೂರ್ತ ನಡೆದಿದೆ.

ಕ್ರಿಸ್ಮಸ್‌ ಹಬ್ಬದ ದಿನ ಈ ಚಿತ್ರದ ಮುಹೂರ್ತ ಸಮಾರಂಭ ಶ್ರೀ ಬಂಡಿಮಹಾಕಾಳಮ್ಮ ದೇವಸ್ಥಾನದಲ್ಲಿ ನೆರವೇರಿತು.
ಮೊದಲ ಸನ್ನಿವೇಶಕ್ಕೆ ಕಾಶ್ವಿ‌ ವೆಂಕಟ್‌ ಆರಂಭ ಫ‌ಲಕ ತೋರಿದರು. ಸಿದ್ದು ವೆಂಕಟ್‌ ಕ್ಯಾಮೆರಾ ಚಾಲನೆ ಮಾಡಿದರು. ಹರಿ ಸಂತೋಷ್‌ ನಿರ್ದೇಶನದ ಈ ಚಿತ್ರದ ನಾಯಕರಾಗಿ ಧನ್ವೀರ್‌ ನಟಿಸುತ್ತಿದ್ದಾರೆ.

ಶ್ರೀಲೀಲಾ ಈ ಚಿತ್ರದ ನಾಯಕಿ. ಸಾಧುಕೋಕಿಲ, ಅಚ್ಯುತ್‌ ಕುಮಾರ್‌, ಶಿವರಾಜ್‌ ಕೆ ಆರ್‌ ಪೇಟೆ ಮುಂತಾದವರ ತಾರಾಬಳಗ “ಬೈ ಟೂ ಲವ್‌’ನಲ್ಲಿದೆ. ಇದು ಹರಿ ಸಂತೋಷ್‌ ನಿರ್ದೇಶನದ 9 ನೇ ಚಿತ್ರ. “ಕೆ.ವಿ.ಎನ್‌ ಪೊ›ಡಕ್ಷನ್ಸ್‌ ‘ಲಾಂಛನದಲ್ಲಿ ನಿಶಾ ವೆಂಕಟ್‌ ಹಾಗೂ ಸುಪ್ರೀತ್‌ ಈ ಚಿತ್ರ ನಿರ್ಮಾಣ ಮಾಡುತ್ತಿದ್ದಾರೆ. “ಬೈ ಟೂ ಲವ್‌’ ಈ ಸಂಸ್ಥೆ ಯ ನಿರ್ಮಾಣದ ಮೂರನೇ ಚಿತ್ರ.

ಇದನ್ನೂ ಓದಿ:2021 ಕ್ಕೆ ಇನ್ನಷ್ಟು ಭದ್ರತೆಯೊಂದಿಗೆ ಜನರನ್ನು ತಲುಪಲಿರುವ ಫೇಸ್ ಬುಕ್

ನಿರ್ದೇಶಕರೆ ಕಥೆ, ಚಿತ್ರಕಥೆ ಬರೆದಿರುವ ಈ ಚಿತ್ರಕ್ಕೆ ಅಜನೀಶ್‌ ಲೋಕನಾಥ್‌ ಸಂಗೀತ ನಿರ್ದೇಶನ ಹಾಗೂ ಮಹೇಂದ್ರ ಸಿಂಹ ಅವರ ಛಾಯಾಗ್ರಹಣವಿದೆ. ಜನವರಿ 4ರಿಂದ ಬೆಂಗಳೂರಿನಲ್ಲಿ ಚಿತ್ರೀಕರಣ ಆರಂಭವಾಗಲಿದ್ದು, ಈಗಾಗಲೇ ಹೆಚ್‌.ಎಂ.ಟಿ ಬಳಿ ಚಿತ್ರಕ್ಕಾಗಿ ಅದ್ದೂರಿ ಸೆಟ್‌ ನಿರ್ಮಾಣವಾಗುತ್ತಿದೆ.