Stock Market: 65,000 ಮಟ್ಟ ದಾಟಿದ ಬಾಂಬೆ ಷೇರುಪೇಟೆ ಸಂವೇದಿ ಸೂಚ್ಯಂಕ, ಸಾರ್ವಕಾಲಿಕ ದಾಖಲೆ

Team Udayavani, Jul 3, 2023, 1:39 PM IST

ಮುಂಬೈ: ಏಷ್ಯನ್‌ ಷೇರುಮಾರುಕಟ್ಟೆಯ ಧನಾತ್ಮಕ ವಹಿವಾಟು ಹಾಗೂ ಅಮೆರಿಕದ ಹಣದುಬ್ಬರದ ಇಳಿಕೆಯ ಪರಿಣಾಮ ಸೋಮವಾರ (ಜು.03) ಬಾಂಬೆ ಷೇರುಪೇಟೆಯ ಸಂವೇದಿ ಸೂಚ್ಯಂಕ 65,000 ಗಡಿ ದಾಟುವ ಮೂಲಕ ಸಾರ್ವಕಾಲಿಕ ಗರಿಷ್ಠ ಮಟ್ಟ ತಲುಪಿದೆ.

ಇದನ್ನೂ ಓದಿ:8ನೇ ತರಗತಿ ಬಾಲಕಿ ಮೇಲೆ ಅತ್ಯಾಚಾರವೆಸಗಿ ಕೊಲೆ, ಶವವನ್ನು ನದಿಗೆ ಎಸೆದ ರಿಕ್ಷಾ ಚಾಲಕ

ಬಾಂಬೆ ಷೇರುಪೇಟೆಯ ಸೋಮವಾರದ ಆರಂಭಿಕ ವಹಿವಾಟಿನಲ್ಲಿ ಸಂವೇದಿ ಸೂಚ್ಯಂಕ (BSE) 510 ಅಂಕಗಳಷ್ಟು ಏರಿಕೆಯೊಂದಿಗೆ 65,228 ಅಂಕಗಳಲ್ಲಿ ವಹಿವಾಟು ಮುಂದುವರಿದಿದೆ.

ಅದೇ ರೀತಿ ಎನ್‌ ಎಸ್‌ ಇ ನಿಫ್ಟಿ ಕೂಡಾ 126 ಅಂಕಗಳಷ್ಟು ಏರಿಕೆಯಾಗಿದ್ದು, 19, 315 ದಾಖಲೆಯ ಅಂಕಗಳ ಮಟ್ಟ ತಲುಪಿದೆ ಎಂದು ಷೇರುಮಾರುಕಟ್ಟೆ ವರದಿ ತಿಳಿಸಿದೆ.

ಸಂವೇದಿ ಸೂಚ್ಯಂಕ, ನಿಫ್ಟಿ ಏರಿಕೆಯಿಂದ ಆಲ್ಟ್ರಾ ಟೆಕ್‌ ಸಿಮೆಂಟ್‌, ಎಚ್‌ ಡಿಎಫ್‌ ಸಿ ಬ್ಯಾಂಕ್‌, ಟಾಟಾ ಮೋಟಾರ್ಸ್‌, ಎಸ್‌ ಬಿಐ, ವಿಪ್ರೋ ಮತ್ತು ಟಾಟಾ ಸ್ಟೀಲ್‌ ಷೇರುಗಳು ಶೇ.2ರಷ್ಟು ಲಾಭಗಳಿಸಿದೆ.

ಮತ್ತೊಂದೆಡೆ ಪವರ್‌ ಗ್ರಿಡ್‌, ಏಷಿಯನ್‌ ಪೇಂಟ್ಸ್‌, Axis ಬ್ಯಾಂಕ್‌, ಮಾರುತಿ, ಟೆಕ್‌ ಮಹೀಂದ್ರ ಮತ್ತು ಸನ್‌ ಫಾರ್ಮಾ ಷೇರುಗಳು ಆರಂಭಿಕ ವಹಿವಾಟಿನಲ್ಲಿ ನಷ್ಟ ಕಂಡಿದೆ.