ಬರೋಬ್ಬರಿ 38 ಪತ್ನಿಯರನ್ನು ಹೊಂದಿದ್ದ ಬಹುಪತ್ನಿ ವಲ್ಲಭ ಸಿಯೋನಾ ಚಾನಾ ನಿಧನ

Team Udayavani, Jun 14, 2021, 7:15 AM IST

ಐಜ್ವಾಲ್‌: ಬರೋಬ್ಬರಿ 38 ಪತ್ನಿಯರು, 89 ಮಕ್ಕಳು ಮತ್ತು 33 ಮೊಮ್ಮಕ್ಕಳನ್ನು ಹೊಂದಿದ್ದ, ಪ್ರಪಂಚದ ಅತೀ ದೊಡ್ಡ ಕುಟುಂ­ಬದ ಮುಖ್ಯಸ್ಥ ಮಿಜೋರಾಂನ ಸಿಯೋನಾ ಚಾನಾ (76) ರವಿವಾರ ನಿಧನ ಹೊಂದಿದ್ದಾರೆ.

ಮಧುಮೇಹ ಮತ್ತು ಅಧಿಕ ರಕ್ತ ದೊತ್ತಡದಿಂದ ಬಳಲುತ್ತಿದ್ದ ಅವರು ರಾಜಧಾನಿ ಐಜ್ವಾಲ್‌ನ ಟ್ರಿನಿಟಿ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ಈ ಕುರಿತು ಮಾಹಿತಿ ನೀಡಿದ ಮಿಜೋರಾಂ ಸಿಎಂ ಜೋರಾಮಾ§ಂಗಾ, “ಪ್ರಪಂಚದ ಅತೀ ದೊಡ್ಡ ಕುಟುಂಬದ ಮುಖ್ಯಸ್ಥ ಸಿಯೋನಾ ಅವರನ್ನು ಮಿಜೋರಾಂ ಭಾರವಾದ ಹೃದಯದಿಂದ ಬೀಳ್ಕೊಡುತ್ತಿದೆ. ನೆಮ್ಮದಿಯಿಂದ ವಿಶ್ರಮಿಸಿ ಸರ್‌’ ಎಂದಿದ್ದಾರೆ.

ಬಕ್ತಾಂಗ್‌ ಟಾಂಗು° ಯಮ್‌ ಗ್ರಾಮವು ಅವರ ಬೃಹತ್‌ ಕುಟುಂಬದಿಂದಾಗಿಯೇ ರಾಜ್ಯದಲ್ಲಿ ಪ್ರವಾಸಿ ತಾಣವಾಗಿ ಹೆಸರುವಾಸಿಯಾಗಿತ್ತು ಎಂದು ಅವರು ತಿಳಿಸಿದ್ದಾರೆ. ಗ್ರಾಮದಲ್ಲಿ ಸಿಯೋನಾ ಚಾನಾಪಂಥದ ಮುಖ್ಯಸ್ಥರಾಗಿದ್ದು, ತಮ್ಮ ಪತ್ನಿ, ಮಕ್ಕಳು ಪರಿವಾರದೊಂದಿಗೆ ಒಟ್ಟಾಗಿ ನೂರು ಕೋಣೆಗಳಿರುವ ನಾಲ್ಕು ಅಂತಸ್ತಿನ ಮನೆಯಲ್ಲಿ ನೆಲೆಸಿದ್ದರು.