ನೀತಿ ಸಂಹಿತೆ ಉಲ್ಲಂಘನೆ: ಸುಕುಮಾರ್‌ ಶೆಟ್ಟಿ ವಿರುದ್ಧ ಕೇಸು

Team Udayavani, May 13, 2023, 6:32 AM IST

ಬೈಂದೂರು: ಸಾಮಾಜಿಕ ಜಾಲತಾಣದಲ್ಲಿ ಅನುಮತಿ ಪಡೆಯದೇ ಬಿಜೆಪಿ ಪರ ಪ್ರಚಾರ ನಡೆಸಿದ್ದಾರೆನ್ನುವ ಆರೋಪದ ಮೇಲೆ ಬೈಂದೂರು ಶಾಸಕ ಬಿ.ಎಂ. ಸುಕುಮಾರ್‌ ಶೆಟ್ಟಿ ವಿರುದ್ಧ ವ್ಯಕ್ತಿಯೊಬ್ಬರು ಬೈಂದೂರು ಠಾಣೆಯಲ್ಲಿ ದೂರು ನೀಡಿದ್ದಾರೆ.

ಮಾ. 31ರಂದು ಗಣೇಶದಾಸ ಖಾರ್ವಿ ಎಂಬುವರು ಆಯೋಗಕ್ಕೆ ದೂರು ನೀಡಿದ್ದರು. ಸುಕುಮಾರ್‌ ಶೆಟ್ಟಿ ಅವರು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಬಿಜೆಪಿ ಪಕ್ಷದ ಕಮಲದ ಚಿಹ್ನೆ ಹಾಗೂ ಕೇಸರಿ ಶಾಲನ್ನು ಹಾಕಿ ಕೊಂಡ ಭಾವ ಚಿತ್ರವನ್ನು ಹಾಕಿಕೊಂಡಿದ್ದಲ್ಲದೆ, ಪ್ರಚಾರ ಮಾಡುವಂತಹ ಕೆಲವು ವೀಡಿಯೋ ತುಣುಕುಗಳನ್ನು ಹಂಚಿಕೊಂಡಿದ್ದರು. ದೂರಿಗೆ ಸಂಬಂಧಿಸಿದಂತೆ ಚುನಾವಣಾಧಿ ಕಾರಿ ಸುಕುಮಾರ್‌ ಶೆಟ್ಟಿ ಅವರ ಬಳಿ ಕಾರಣ ಕೇಳಿ ನೋಟಿಸು ನೀಡಿದ್ದು, ಸೂಕ್ತ ಲಿಖೀತ ಉತ್ತರ ಸಿಗಲಿಲ್ಲ. ನೀತಿ ಸಂಹಿತೆ ಜಾರಿಯಲ್ಲಿರುವಾಗ ಮಾಧ್ಯಮ, ಸಾಮಾಜಿಕ ಜಾಲತಾಣ ಗಳಲ್ಲಿ ಪ್ರಚಾರ ಮಾಡಬೇಕಿದ್ದಲ್ಲಿ, ಪ್ರಾಧಿಕಾರದ ಅನುಮತಿ ಅವಶ್ಯ.