ಲೈಂಗಿಕ ದೌರ್ಜನ್ಯ ; ಕೆಟ್ಟ ಆಲೋಚನೆಯೇ ಪ್ರಧಾನ ಅಂಶ : ಸುಪ್ರೀಂಕೋರ್ಟ್‌

Team Udayavani, Nov 18, 2021, 9:30 PM IST

ನವದೆಹಲಿ: ಮಹತ್ವದ ಬೆಳವಣಿಗೆಯೊಂದರಲ್ಲಿ, ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯ ಕಾಯ್ದೆಯಡಿ (ಪೋಕ್ಸೋ) ಉಲ್ಲೇಖೀಸಲಾಗಿರುವ ಲೈಂಗಿಕ ಕಿರುಕುಳದ ವ್ಯಾಖ್ಯಾನವನ್ನು ಸುಪ್ರೀಂಕೋರ್ಟ್‌, ಮಾರ್ಪಾಟು ಮಾಡಿದೆ. ನೇರವಾಗಿ ದೈಹಿಕ ಸ್ಪರ್ಶವಾಗದೇ ನಡೆದಿರುವ ಲೈಂಗಿಕ ಕಿರುಕುಳ ಪ್ರಕರಣಗಳಲ್ಲಿ ಆರೋಪಿಯ ಕೆಟ್ಟ ಆಲೋಚನೆಯನ್ನೇ ಪ್ರಧಾನವಾಗಿ ಪರಿಗಣಿಸಬೇಕು ಎಂದು ಸುಪ್ರೀಂಕೋರ್ಟ್‌ ಹೇಳಿದೆ.

ಈ ಮಾರ್ಪಾಡಿಗೆ ಪ್ರೇರಣೆಯಾಗಿದ್ದು ಬಾಂಬೆ ಹೈಕೋರ್ಟ್‌ನಿಂದ ಹೊರಬಿದ್ದಿದ್ದ ತೀರ್ಪು. 2016ರಲ್ಲಿ ನಡೆದಿದ್ದ ಪ್ರಕರಣವೊಂದರಲ್ಲಿ, 12 ವರ್ಷದ ಬಾಲಕಿಯೊಬ್ಬಳ ಖಾಸಗಿ ಅಂಗಗಳನ್ನು ಆಕೆಯ ಬಟ್ಟೆಯ ಮೇಲೆಯೇ ಸ್ಪರ್ಶಿಸಿದ್ದ ಎಂಬ ಆರೋಪವನ್ನು ಸತೀಶ್‌ (32) ಎಂಬಾತ ಹೊತ್ತಿದ್ದ. ಈ ಪ್ರಕರಣದಲ್ಲಿ ಆರೋಪಿಯು, ಸಂತ್ರಸ್ತೆಯ ಬಟ್ಟೆ ಕಳಚಿ ದೇಹವನ್ನು ಸ್ಪರ್ಶಿಸಿಲ್ಲವಾದ್ದರಿಂದ ಇದು ಲೈಂಗಿಕ ದೌರ್ಜನ್ಯವೆಂದು ಪರಿಗಣಿಸಲಾಗದು ಎಂದು ಹೇಳಿದ್ದ ಬಾಂಬೆ ಹೈಕೋರ್ಟ್‌, ಆರೋಪಿಯನ್ನು ಖುಲಾಸೆಗೊಳಿಸಿತ್ತು.

ಆದರೆ, ಹೈಕೋರ್ಟ್‌ ತೀರ್ಪನ್ನು ಅಲ್ಲಗಳೆದ ಸುಪ್ರೀಂಕೋರ್ಟ್‌ ನ್ಯಾಯಪೀಠ, ನಗ್ನಗೊಳಿಸಿ ಮುಟ್ಟದಿದ್ದರೂ ಆರೋ ಪಿಯು ತನ್ನ ವಾಂಛೆಗಳನ್ನು ಈಡೇರಿಸಿಕೊಳ್ಳಲು ಈ ಕೃತ್ಯ ವೆ ಸ ಗಿ ದ್ದಾನೆ. ಆತನ ಈ ಉದ್ದೇ ಶ ವನ್ನೇ ಪ್ರಧಾನವಾಗಿ ಪರಿಗಣಿಸಬೇಕು ಎಂದು ಹೇಳಿತಲ್ಲದೆ, ಖುಲಾಸೆಗೊಂಡಿದ್ದ ಸತೀಶ್‌ಗೆ 3 ವರ್ಷಗಳ ಕಾಲ ಜೈಲು ಶಿಕ್ಷೆ ವಿಧಿಸಿದೆ.

ಇದನ್ನೂ ಓದಿ : ಪ್ರಕಾಶ್ ಪಡುಕೋಣೆಗೆ ಬ್ಯಾಡ್ಮಿಂಟನ್ ವರ್ಲ್ಡ್ ಫೆಡರೇಶನ್ ಜೀವಮಾನ ಸಾಧನೆ ಪ್ರಶಸ್ತಿ