ಆಫ್ಘಾನ್ ಸೇನೆಗೆ ಅತ್ಯಾಧುನಿಕ ಶಸ್ತ್ರಾಸ್ತ್ರ, 1.50 ಲಕ್ಷ ಬಾಂಬರ್‌ಗಳ ನೇಮಕ : ತಾಲಿಬಾನ್‌

Team Udayavani, Jan 6, 2022, 9:15 PM IST

ಕಾಬೂಲ್‌: ಅಫ್ಘಾನಿಸ್ತಾನವನ್ನು ಮರಳಿ ವಶಪಡಿಸಿಕೊಳ್ಳುವುದಕ್ಕೆ ಮುನ್ನ ತಾಲಿಬಾನ್‌ ಉಗ್ರ ಸಂಘಟನೆ, ಅಮೆರಿಕ ಮತ್ತು ಅದರ ಮಿತ್ರ ರಾಷ್ಟ್ರಗಳ ಪಡೆಗಳನ್ನು ಹಿಮ್ಮೆಟ್ಟಿಸಲು ಆತ್ಮಹತ್ಯಾ ಬಾಂಬರ್‌ಗಳನ್ನು ಬಳಕೆ ಮಾಡುತ್ತಿತ್ತು.

ಇದೀಗ, ದೇಶದ ಸೇನೆಗೆ ಅವರನ್ನು ಅಧಿಕೃತವಾಗಿ ನೇಮಕ ಮಾಡಿಕೊಳ್ಳಲು ತಾಲಿಬಾನ್‌ ಆಡಳಿತ ನಿರ್ಧರಿಸಿದೆ. ಅದಕ್ಕೂ ಒಂದು ಕಾರಣವಿದೆ. ಉಗ್ರ ಸಂಘಟನೆ ಐಸಿಸ್‌ ಮತ್ತು ತಾಲಿಬಾನ್‌ ನಡುವೆ ಎಣ್ಣೆ ಸೀಗೇಕಾಯಿ ಸಂಬಂಧ.

ನಾಲ್ಕು ತಿಂಗಳ ಹಿಂದೆ ಅಫ್ಘಾನಿಸ್ತಾನ ರಾಜಧಾನಿ ಕಾಬೂಲ್‌ನ ವಿಮಾನ ನಿಲ್ದಾಣದ ಮೇಲೆ ನಡೆದಿದ್ದ ಬಾಂಬ್‌ ದಾಳಿಯ ಹೊಣೆಯನ್ನು ಐಸಿಸ್‌ ಹೊತ್ತುಕೊಂಡಿತ್ತು. ಹೀಗಾಗಿ, ಆ ಸಂಘಟನೆಯನ್ನು ಎದುರಿಸುವ ನಿಟ್ಟಿನಲ್ಲಿ ಈ ಕ್ರಮ ಎಂದು ತಾಲಿಬಾನ್‌ ವಕ್ತಾರ ಬಿಲಾಲ್‌ ಕರಿಮಿ ಹೇಳಿದ್ದಾನೆ. ಬಾಂಬರ್‌ಗಳಿಗೆ ಅತ್ಯಾಧುನಿಕ ಶಸ್ತ್ರಾಸ್ತ್ರಗಳನ್ನು ನೀಡಲಾಗುತ್ತದೆ ಮತ್ತು 1,50,000 ಮಂದಿಯನ್ನು ನೇಮಿಸುವ ಗುರಿ ಹಾಕಿಕೊಳ್ಳಲಾಗಿದೆ ಎಂದಿದ್ದಾನೆ.

ಇದನ್ನೂ ಓದಿ : ಕಾಶ್ಮೀರ ಮಾಜಿ ಸಿಎಂಗಳಿಗೆ ನೀಡಲಾಗಿದ್ದ ವಿಶೇಷ ಭದ್ರತೆ ಹಿಂಪಡೆಯಲು ಕೇಂದ್ರ ಚಿಂತನೆ