ಡಾಲರ್‌ ಎದುರು ರೂ. ಪತನ: ಚಿನ್ನದ ದರ 87 ರೂ. ಏರಿಕೆ

Team Udayavani, Oct 30, 2019, 7:25 PM IST

ಹೊಸದಿಲ್ಲಿ: ಡಾಲರ್‌ ಎದುರು ರೂಪಾಯಿಯ ಪತನ ಮುಂದುವರೆದ ಕಾರಣ ದೇಶದಲ್ಲಿ ಚಿನ್ನ ಮತ್ತೆ ದುಬಾರಿಯತ್ತ ಮುಖಮಾಡಿದೆ. ಬುಧವಾರ 87 ರೂ. ಏರಿಕೆ ಕಾಣುವುದರ ಮೂಲಕ 10 ಗ್ರಾಂ. ಚಿನ್ನದ ದರ 38,842 ರೂ. ಗಳೊಂದಿಗೆ ವಹಿವಾಟು ನಡೆಸಿತು. ಈ ವರ್ಷ ಹಳದಿ ಲೋಹಗಳ ಬೆಲೆ ತನ್ನ ನಾಗಾಲೋಟವನ್ನು ಮುಂದುವರೆಸುತ್ತಿದ್ದು, ಗ್ರಾಹಕ ಮಾತ್ರ ಸಂಕಷ್ಟ ಅನುಭವಿಸುತ್ತಿದ್ದಾನೆ.

ಮಂಗಳವಾರ 10 ಗ್ರಾಂ. ಚಿನ್ನಕ್ಕೆ 38,755 ರೂ. ಗಳಿದ್ದವು. ಬುಧವಾರ ಡಾಲರ್‌ ಎದುರು ರೂ. ಮೌಲ್ಯ 11 ಪೈಸೆಯ ಕುಸಿತ ಕಂಡಿತ್ತು. ಕೇವಲ ಈ 11 ಪೈಸೆಯ ಕುಸಿತ 87 ರೂ.ಗಳು ಹೆಚ್ಚಾಗುವಂತೆ ಮಾಡಿದೆ. ಇನ್ನು ಜಾಗತಿಕ ಮಾರುಕಟ್ಟೆಯಲ್ಲಿ ಚಿನ್ನದ ಜತೆ ಬೆಳ್ಳಿಯೂ ದುಬಾರಿಯಾಗುತ್ತಿದ್ದು, ಕೆ.ಜಿ.ಗೆ 450 ರೂ.ಗಳ ಏರಿಕೆ ಕಂಡಿದೆ. ಪರಿಣಾಮವಾಗಿ ಪ್ರತಿ ಒಂದು ಕೆ.ಜಿ. ಬೆಳ್ಳಿಯ ದರ 47,220 ರೂ. ಗಳಿವೆ. ಕಳೆದ ಮಾರುಕಟ್ಟೆ ಕೆ.ಜಿ.ಗೆ 46,770 ರೂ.ಗಳೊಂದಿಗೆ ವಹಿವಾಟು ನಡೆಸಿತ್ತು. ಭಾರತ ಮಾತ್ರವಲ್ಲದೇ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲೂ ಹಳದಿ ಲೋಹದ ದರಗಳಲ್ಲಿ ಏರಿಕೆ ಕಂಡು ಬಂದಿದೆ.