ವಿಡಿಯೋ ನೋಡಿ : ಹಸು, ಕುದುರೆಗಳನ್ನು ಹೆಗಲ ಮೇಲೆ ಹೊತ್ತೊಯ್ಯುವ ಬಲಭೀಮ…!

Team Udayavani, Mar 9, 2021, 10:30 PM IST

ನಾವು ಪುರಾತನ ಕಾಲದಲ್ಲಿದ್ದ ಬಲಶಾಲಿಗಳ ಶಕ್ತಿಯ ಬಗ್ಗೆ ಕೇಳಿದ್ದೇವೆ. ಅವರು ಬೆಟ್ಟ ಗುಡ್ಡಗಳನ್ನು ಎತ್ತುತ್ತಾರೆ. ಬಂಡಿ ಬಂಡಿಯಷ್ಟು ಅನ್ನವನ್ನು ತಿನ್ನುತ್ತಾರೆ ಎಂದು. ಈ ಕಲಿಗಾಲದಲ್ಲೂ ಅಂತಹ ವ್ಯಕ್ತಿಗಳು ಇದ್ದಾರಾ? ಎಂಬ ಪ್ರಶ್ನೆಗೆ ಇಲ್ಲಿರುವ ಈ ವ್ಯಕ್ತಿಯೇ ಉತ್ತರ.

ಈ ಆಸಾಮಿ 150 ಕೆ.ಜಿ ತೂಕವನ್ನು ಒಂದೇ ಕೈಯಲ್ಲಿ ಎತ್ತುವ ಸಾಮರ್ಥ್ಯವನ್ನು ಹೊಂದಿದ್ದಾನೆ. ಉಕ್ರೇನ್ ದೇಶದ ಈತನ ಹೆಸರು ಡಿಮಿಟ್ರೋ ಖಲಾಝಿ.

 

View this post on Instagram

 

A post shared by Дмитрий Халаджи (@dmitriykhaladzhi)

ಈತ ತನ್ನ ಹೆಗಲ ಮೇಲೆ ಕುದುರೆ, ಎಮ್ಮೆ, ಹಸುಗಳನ್ನು ಸಲೀಸಾಗಿ ಹೊತ್ತುಕೊಂಡು ಹೋಗುತ್ತಾನೆ. ತನ್ನ ಇನ್ ಸ್ಟಾಗ್ರಾಮ್ ಖಾತೆಯಲ್ಲಿ ಈ ಸಾಹಸದ ವಿಡಿಯೋಗಳನ್ನು ಹಾಕುತ್ತ ಅಭಿಮಾನಿಗಳನ್ನು ರಂಜಿಸುತ್ತಾನೆ.

ಇದನ್ನೂ ಓದಿ :ಟೂಲ್‌ಕಿಟ್ ಪ್ರಕರಣ :‌ ಮಾ.15ರವರೆಗೆ ನಿಕಿತಾ, ಶಂತನು ಬಂಧನವಿಲ್ಲ

ಡಿಮಿಟ್ರೋ ಖಲಾಝಿ ಮೊದಲು ಸರ್ಕಸ್  ಕಂಪೆನಿಯಲ್ಲಿ ಕೆಲಸ ಮಾಡುತ್ತಿದ್ದು, ಈ ವ್ಯಕ್ತಿಗೆ ಸಾಹಿತ್ಯದ ಮೇಲೂ ಆಸಕ್ತಿ ಇದೆಯಂತೆ. ಕ್ರೀಡಾ ಪಟುಗಳ ಬಗ್ಗೆ ಕೆಲವು ಪುಸ್ತಕಗಳನ್ನೂ ಬರೆದಿದ್ದಾರಂತೆ. ಇವರ ಸಾಧನೆಗೆ ಹಲವು ಪ್ರಶಸ್ತಿಗಳು ಸಂದಿದ್ದು, 2010ರಲ್ಲಿ ಗೋಲ್ಡನ್ ಪೆನ್ ಆಫ್ ರಷ್ಯಾ ಪ್ರಶಸ್ತಿ ಸಿಕ್ಕಿದೆ.