Video Viral:  ಹಿಂದೂ ಯುವಕ ಮತಾಂತರಗೊಂಡು ಮುಸ್ಲಿಮ್‌ ಯುವತಿ ಜತೆ ವಿವಾಹ

Team Udayavani, Sep 4, 2023, 12:23 PM IST

ಕಾನ್ಪುರ್:‌ ಮುಸ್ಲಿಮ್‌ ಯುವತಿಯನ್ನು ವಿವಾಹವಾಗುವ ನಿಟ್ಟಿನಲ್ಲಿ ಸ್ಥಳೀಯ ಹಿಂದೂ ಯುವಕನೊಬ್ಬ ಇಸ್ಲಾಮ್‌ ಗೆ ಮತಾಂತರಗೊಂಡು ಮದುವೆ(ನಿಖಾಃ)ಯಾದ ವಿಡಿಯೋವೊಂದು ವೈರಲ್‌ ಆಗಿದ್ದು, ಈ ಬಗ್ಗೆ ಉತ್ತರಪ್ರದೇಶದ ಕಾನ್ಪುರ್‌ ಪೊಲೀಸರು ತನಿಖೆಗೆ ಮುಂದಾಗಿರುವುದಾಗಿ ವರದಿ ತಿಳಿಸಿದೆ.

ಇದನ್ನೂ ಓದಿ:Shivaganga giri: ಮದುವೆ ವಿಡಿಯೋದಲ್ಲಿ ಸೆರೆಯಾಯಿತು ಚಿರತೆಗಳು; ವಿಡಿಯೋ ನೋಡಿ

ಕೆಲವು ತಿಂಗಳ ಹಿಂದೆ ಈ ವಿವಾಹ ನಡೆದಿದ್ದು, ನಾವು ವಿವಾಹಿತ ಜೋಡಿಯ ಕುಟುಂಬದವರನ್ನು ಸಂಪರ್ಕಿಸಲು ಪ್ರಯತ್ನಿಸುತ್ತಿರುವುದಾಗಿ ಚೌಬೇಪುರ್‌ ಪೊಲೀಸ್‌ ಠಾಣೆಯ ಠಾಣಾಧಿಕಾರಿ ಸಂಜಯರ್‌ ಪಾಂಡೆ ತಿಳಿಸಿರುವುದಾಗಿ ವರದಿಯಾಗಿದೆ.

ಕ್ರಮ ತೆಗೆದುಕೊಳ್ಳಲು ವಿಎಚ್‌ ಪಿ ಆಗ್ರಹ:

ಹಿಂದೂ ಯುವಕ ಇಸ್ಲಾಮ್‌ ಗೆ ಮತಾಂತರಗೊಂಡ ಪ್ರಕರಣದಲ್ಲಿ ಶಾಮೀಲಾಗಿರುವವರ ವಿರುದ್ಧ ಕಠಿನ ಕ್ರಮ ತೆಗೆದುಕೊಳ್ಳಬೇಕೆಂದು ಆಗ್ರಹಿಸಿ ವಿಶ್ವ ಹಿಂದೂ ಪರಿಷತ್‌ ನ ಜಿಲ್ಲಾ ಸಂಚಾಲಕ ವಿಪಿನ್‌ ಶುಕ್ಲಾ ನೇತೃತ್ವದಲ್ಲಿ ಚೌಬೇಪುರ್‌ ಪೊಲೀಸ್‌ ಠಾಣೆ ಮುಂಭಾಗದಲ್ಲಿ ಪ್ರತಿಭಟನೆ ನಡೆಸಿ, ಒತ್ತಾಯಿಸಿರುವುದಾಗಿ ವರದಿ ವಿವರಿಸಿದೆ.

ತನಿಖೆ ನಡೆಯುತ್ತಿದೆ:

ಹಿಂದೂ ಯುವಕ ಮತಾಂತರಗೊಂಡು, ಮುಸ್ಲಿಮ್‌ ಯುವತಿಯನ್ನು ವಿವಾಹವಾದ ಪ್ರಕರಣದ ಬಗ್ಗೆ ತನಿಖೆ ನಡೆಸುತ್ತಿದ್ದೇವೆ. ಇದರ ಹಿಂದೆ ಪಿತೂರಿ ಇದ್ದಿರುವುದಾಗಿ ಶುಕ್ಲಾ ತಿಳಿಸಿದ್ದಾರೆ. ಸ್ಥಳೀಯರು ನೀಡಿರುವ ಮಾಹಿತಿ ಪ್ರಕಾರ, ಈ ವಿವಾಹ ನಾಲ್ಕು ತಿಂಗಳ ಹಿಂದೆ ನಡೆದಿರುವುದಾಗಿ ಮಾಹಿತಿ ನೀಡಿರುವುದಾಗಿ ವರದಿ ತಿಳಿಸಿದೆ.

#Watch: यूपी के कानपुर के प्रेमी-प्रेमिका का एक वीडियो सोशल मीडिया पर वायरल हो रहा है। वायरल वीडियो में मौलवी दोनों का निकाह कराते नजर आ रहे हैं। वीडियो वायरल होने के बाद दोनों परिवारों में तनाव की स्थिति पैदा हो गई है।#UttarPradesh #Kanpur #Viralvideo pic.twitter.com/UXD8F0PBnn

— Hindustan (@Live_Hindustan) September 3, 2023

ಹಿಂದೂ ಯುವಕ ಮತ್ತು ಮುಸ್ಲಿಮ್‌ ಯುವತಿ ಒಬ್ಬರನೊಬ್ಬರು ಪ್ರೀತಿಸುತ್ತಿದ್ದು, ಈ ಮೊದಲು ಹಿಂದೂ ಸಂಪ್ರದಾಯದಂತೆ ವಿವಾಹವಾಗಿತ್ತು. ಆದರೆ ನಂತರ ಹಿಂದೂ ಯುವಕ ಮತಾಂತರಗೊಂಡು ಇಸ್ಲಾಮ್‌ ಸಂಪ್ರದಾಯದಂತೆ ವಿವಾಹವಾಗಿರುವುದಾಗಿ ವರದಿ ವಿವರಿಸಿದೆ.