Bengaluru: ಅಮೆಜಾನ್‌ ಪಾರ್ಸೆಲ್‌ ನೊಳಗೆ ವಿಷಕಾರಿ ಹಾವು-ಮಹಿಳೆ ಬಚಾವ್!‌ Watch

Team Udayavani, Jun 19, 2024, 1:02 PM IST

ಬೆಂಗಳೂರು: ಆನ್‌ ಲೈನ್‌ ವಸ್ತುಗಳು ಡೆಲಿವರಿ ಮಾಡಿದ ನಂತರ ತಾವು ಆರ್ಡರ್‌ ಮಾಡಿದ ವಸ್ತುವಿನ ಬದಲು ಬೇರೇನೊ ಬಂದಿರುವುದು ಸಾಮಾನ್ಯವಾಗಿದ್ದು, ಈಗಾಗಲೇ ಇಂತಹ ಹಲವು ಘಟನೆ ನಡೆದಿತ್ತು. ಆದರೆ ಈ ಬಾರಿ ಅಮೆಜಾನ್‌ ಕಳುಹಿಸಿದ್ದ ವಸ್ತು ಕಂಡು ಬೆಂಗಳೂರಿನ ಮಹಿಳೆಯೊಬ್ಬರು ಕಂಗಾಲಾಗಿ ಹೋದ ಘಟನೆ ನಡೆದಿದೆ.

ಇದನ್ನೂ ಓದಿ:ರೇಣುಕಾಸ್ವಾಮಿ ಮರಣೋತ್ತರ ಪರೀಕ್ಷೆ ವರದಿ ತಿರುಚುವ ಪ್ರಯತ್ನದ ವಿಚಾರ ನನ್ನ ಗಮನಕ್ಕೆ ಬಂದಿಲ್ಲ

ಉದ್ಯಾನನಗರಿಯ ಸರ್ಜಾಪುರ್‌ ರಸ್ತೆ ನಿವಾಸಿಯಾಗಿರುವ ಮಹಿಳೆ ಅಮೆಜಾನ್‌ ನಲ್ಲಿ Xbox ಕಂಟ್ರೋಲರ್‌ ಅನ್ನು ಆರ್ಡರ್‌ ಮಾಡಿದ್ದರು. ಕೆಲವು ದಿನಗಳ ನಂತರ ಅಮೆಜಾನ್‌ ನಿಂದ ಪಾರ್ಸೆಲ್‌ ಡೆಲಿವರಿ ಬಂದಿತ್ತು. Xbox ಕಂಟ್ರೋಲರ್‌ ಬಂದಿದೆ ಎಂದು ಮಹಿಳೆ ಪಾರ್ಸೆಲ್‌ ಓಪನ್‌ ಮಾಡಿದಾಗ ಬೊಬ್ಬೆ ಹೊಡೆದು ಹಿಂದೆ ಸರಿದುಬಿಟ್ಟಿದ್ದರು! ಯಾಕೆಂದರೆ ಪಾರ್ಸೆಲ್‌ ನಲ್ಲಿ ವಿಷಕಾರಿ ಹಾವು ಸುರುಳಿ ಸುತ್ತಿಕೊಂಡಿತ್ತು.

ಅದೃಷ್ಟವಶಾತ್‌ ಮಹಿಳೆ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಕಾರಣ ಹಾವು ಗಮ್‌ ಟೇಪ್‌ ಗೆ ಸಿಕ್ಕಿಹಾಕಿಕೊಂಡು ಹೊರಬರಲು ಪ್ರಯತ್ನಪಡುತ್ತಿರುವುದು ವಿಡಿಯೋದಲ್ಲಿದೆ. ಘಟನೆ ಬಗ್ಗೆ ಮಹಿಳೆ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಶೇರ್‌ ಮಾಡಿದ್ದು, ಇದು ವೈರಲ್‌ ಆಗಿದೆ.

In a shocking incident, a family on Sarjapur Road received a live Spectacled Cobra with their Amazon order for an Xbox controller.

The venomous snake was fortunately stuck to packaging tape, preventing harm.#ITReel #Sarjapur #AmazonOrder #SnakeInAmazonOrder pic.twitter.com/EClaQrt1B6

— Prakash (@Prakash20202021) June 19, 2024

ಇದು ಭೀಕರ ವಿಷಕಾರಿ ಕನ್ನಡಿ ಹಾವಾಗಿದ್ದು, ಪಾರ್ಸೆಲ್‌ ಗೆ ಸುತ್ತಿದ ಗಮ್‌ ಟೇಪ್‌ ಗೆ ಹಾವು ಸಿಕ್ಕಿಹಾಕಿಕೊಂಡಿದ್ದರಿಂದ ಯಾವುದೇ ಅಪಾಯ ಎದುರಾಗಿಲ್ಲ. ಮಹಿಳೆಯ ವಿಡಿಯೋಕ್ಕೆ ಅಮೆಜಾನ್‌ ಎಕ್ಸ್‌ ನಲ್ಲಿ ಪ್ರತಿಕ್ರಿಯೆ ನೀಡಿ, ನಮ್ಮಿಂದ ತಪ್ಪಾಗಿದ್ದಕ್ಕೆ ಕ್ಷಮಿಸಿ, ನೀವು ಕೊಟ್ಟ ಆರ್ಡರ್‌ ವಿವರವನ್ನು ಕಳುಹಿಸಿ, ಅಮೆಜಾನ್‌ ಸಿಬಂದಿ ಕೂಡಲೇ ನಿಮಗೆ ಅಪ್‌ ಡೇಟ್‌ ನೀಡಲಿದ್ದಾರೆ “ ಎಂದು ತಿಳಿಸಿದೆ.