Viral Disease: ಕೇರಳದಲ್ಲಿ ಎಂ ಫಾಕ್ಸ್‌ ದೃಢ: ಆರೋಗ್ಯ ಸಚಿವೆ ವೀಣಾ ಜಾರ್ಜ್‌

Team Udayavani, Sep 19, 2024, 5:13 AM IST

ಕಾಸರಗೋಡು: ಮಲಪ್ಪುರದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ವ್ಯಕ್ತಿಯೋರ್ವನಿಗೆ ಎಂ ಫಾಕ್ಸ್‌ ದೃಢೀಕರಿಸಲಾಗಿದೆ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್‌ ತಿಳಿಸಿದ್ದಾರೆ. ಯುಎಇಯಿಂದ ಬಂದ 38ರ ಹರೆಯದ ವ್ಯಕ್ತಿಯಲ್ಲಿ ಈ ರೋಗ ಲಕ್ಷಣ ಕಂಡು ಬಂದಿದೆ.

ಇದೊಂದು ವೈರಲ್‌ ರೋಗವಾಗಿದ್ದು, ಚಿಕನ್‌ಪಾಕ್ಸ್‌ನಂಥ ಲಕ್ಷಣಗಳಿರುತ್ತವೆ. ಚರ್ಮದಲ್ಲಿ ಹುಣ್ಣುಗಳಾಗುತ್ತವೆ. ಜ್ವರ, ತಲೆ ನೋವು ಪ್ರಮುಖ ಲಕ್ಷಣಗಳು.
ಕೇರಳದಲ್ಲಿ ಎಂ ಫಾಕ್ಸ್‌ ರೋಗ ಖಚಿತವಾದ ಹಿನ್ನೆಲೆಯಲ್ಲಿ ಆರೋಗ್ಯ ಇಲಾಖೆ ಜಾಗ್ರತೆ ಪಾಲಿಸಲು ಸೂಚಿಸಿದೆ.

ವಿದೇಶಗಳಿಂದ ಬರುವವರಿಗೆ ರೋಗ ಲಕ್ಷಣಗಳಿದ್ದಲ್ಲಿ ಕೂಡಲೇ ಆಸ್ಪತ್ರೆಗೆ ತೆರಳುವಂತೆ ಸೂಚಿಸಲಾಗಿದೆ. ಆರೋಗ್ಯ ಇಲಾಖೆ ನಿಗದಿಪಡಿಸಿದ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಹಾಗು ಐಸೊಲೇಶನ್‌ ಸೌಕರ್ಯಗಳನ್ನು ಏರ್ಪಡಿಸಲಾಗಿದೆ. ಎಲ್ಲ ಮೆಡಿಕಲ್‌ ಕಾಲೇಜುಗಳಲ್ಲಿ ಚಿಕಿತ್ಸೆ ಸೌಕರ್ಯ ಕಲ್ಪಿಸಲಾಗಿದೆ.