ಏಷ್ಯನ್‌ ಯೂತ್‌ ಬಾಕ್ಸಿಂಗ್‌: ಸೆಮಿಫೈನಲ್‌ಗೆ ವಿಶ್ವನಾಥನ್‌, ರಮಣ್‌

Team Udayavani, Mar 9, 2022, 5:00 AM IST

ಹೊಸದಿಲ್ಲಿ: ಭಾರತದ ಯುವ ಬಾಕ್ಸರ್‌ಗಳಾದ ವಿಶ್ವನಾಥನ್‌ ಸುರೇಶ್‌ ಮತ್ತು ರಮಣ್‌ ಅವರು ಜೋರ್ಡನ್‌ನಲ್ಲಿ ನಡೆಯುತ್ತಿರುವ 2022ರ “ಎಎಸ್‌ಬಿಸಿ ಏಷ್ಯನ್‌ ಯೂತ್‌ ಆ್ಯಂಡ್‌ ಜೂನಿಯರ್‌ ಬಾಕ್ಸಿಂಗ್‌ ಚಾಂಪಿಯನ್‌ಶಿಪ್‌’ನಲ್ಲಿ ಸೆಮಿಫೈನಲ್‌ ಪ್ರವೇಶಿಸಿದ್ದಾರೆ.

ವಿಶ್ವನಾಥ್‌ (48 ಕೆಜಿ) ತಜಕಿಸ್ಥಾನದ ಮೆರೋಜ್‌ ಜಾಯೊxàವ್‌ ವಿರುದ್ಧ 4-1 ಅಂತರದಲ್ಲಿ ಗೆದ್ದು ಮುನ್ನಡೆದರು. ನಾಲ್ಕರ ಘಟ್ಟಕ್ಕೆ ತಲುಪುವ ಮೂಲಕ ಸತತ ಎರಡನೇ ಬಾರಿ ಈ ಟೂರ್ನಿಯಲ್ಲಿ ಪದಕ ಖಾತ್ರಿಪಡಿಸಿದರು. 51 ಕೆಜಿ ವಿಭಾಗದಲ್ಲಿ ರಮಣ್‌ ಸ್ಥಳೀಯ ಬಾಕ್ಸರ್‌ ಯಾಜಾನ್‌ ಆಲ್ಬಿರ್ಟಾ ವಿರುದ್ಧ 5-0 ಅಂತರದ ಗೆಲುವು ಸಾಧಿಸಿದರು.

ಕಳೆದ ಸಲ ಬೆಳ್ಳಿ
ಕಳೆದ ಆವೃತ್ತಿಯಲ್ಲಿ ಬೆಳ್ಳಿ ಪದಕ ಪಡೆದಿದ್ದ ವಿಶ್ವನಾಥ್‌ ಮೊದಲ ಸುತ್ತಿನಲ್ಲಿ ಬೈ ಪಡೆದಿದ್ದರು. ಆದರೆ ಎರಡನೇ ಸುತ್ತಿನಲ್ಲಿ ತಜಕಿಸ್ಥಾನದ ಆಕ್ರಮಣಕಾರಿ ಬಾಕ್ಸರ್‌ ವಿರುದ್ಧ ತೀವ್ರ ಹೋರಾಟ ನಡೆಸಿದರು. ಉತ್ತಮ ರಕ್ಷಣಾತ್ಮಕ ಕೌಶಲ ಮತ್ತು ಪ್ರತಿದಾಳಿಯೊಂದಿಗೆ ಮೂರೂ ಸುತ್ತುಗಳಲ್ಲಿ ಮುನ್ನಡೆ ಸಾಧಿಸುವಲ್ಲಿ ಸಫ‌ಲರಾದರು.

ವಿಶ್ವನಾಥ್‌ ಮತ್ತು ರಮಣ್‌ ಮುಂದಿನ ಸುತ್ತಿನಲ್ಲಿ ಉಜ್ಬೇಕ್‌ ಬಾಕ್ಸರ್‌ಗಳಾದ ಮಿರಾಲಿಜಾನ್‌ ಮಾವ್ರೋನೋವ್‌ ಮತ್ತು ಖುಜನಾಜರ್‌ ನಾತೊìಜೀವ್‌ ವಿರುದ್ಧ ಕಾದಾಡಲಿ¨ªಾರೆ.