Yallapura: ಬಿಜೆಪಿಯಿಂದ ಒಂದಲ್ಲ, ಎರಡೂ ಕಾಲು ಹೊರಗಿಟ್ಟಿದ್ದೇನೆ: ಶಾಸಕ ಶಿವರಾಮ ಹೆಬ್ಬಾರ್‌

Team Udayavani, Oct 30, 2024, 2:57 AM IST

ಮುಂಡಗೋಡ: ನಾನು ಬಿಜೆಪಿಯಿಂದ ಒಂದಲ್ಲ ಎರಡೂ ಕಾಲು ಹೊರಗೆ ಇಟ್ಟಿದ್ದೇನೆ. ಆದರೆ, ನಮ್ಮ ಮುಖಂಡರ ಜತೆ ಚರ್ಚೆ ಮಾಡಿ ನಿರ್ಣಯ ತೆಗೆದುಕೊಳ್ಳುತ್ತೇನೆ. ಇದು ರಾಜಕಿಯ, ಸಂದರ್ಭಕ್ಕನುಗುಣವಾಗಿ ಯಾವ ನಿರ್ಣಯ ಕೈಗೊಳ್ಳಬೇಕೋ ಅದನ್ನು ತೆಗೆದುಕೊಳ್ಳುತ್ತೇನೆ ಎಂದು ಯಲ್ಲಾಪುರ ಕ್ಷೇತ್ರದ ಬಿಜೆಪಿ ಶಾಸಕ ಶಿವರಾಮ ಹೆಬ್ಬಾರ್‌ ಹೇಳಿದರು.

ಸುದ್ದಿಗಾರರ ಜತೆ ಮಾತನಾಡಿ, ಬಿಜೆಪಿಯಿಂದ ಎಂಟು ಶಾಸಕರು ಕಾಂಗ್ರೆಸ್‌ ಸೇರ್ಪಡೆ ಆಗುತ್ತಾರೆ ಎಂದು ಶಾಸಕ ಎಸ್‌.ಟಿ.ಸೋಮಶೇಖರ್‌ ಹೇಳಿದ ಮಾತು ಸತ್ಯ ಇರಬಹುದು. ಸತ್ಯತೆ ಇಲ್ಲದೇ ಎಂದೂ ಅವರು ಮಾತನಾಡುವುದಿಲ್ಲ. ಸೋಮಶೇಖರ ಮಾತು ನೋಡಿದರೆ ಅವರಿಗೆ ಗುಪ್ತ ಮಾಹಿತಿ ಇರಬಹುದು. ಹಾಗಾಗಿ ಆ ಮಾತಿನಲ್ಲಿ ಸತ್ಯಾಂಶ ಇರಬಹುದು. ಈ ಕುರಿತು ಮಾತನಾಡಲು ಸೋಮಶೇಖರ್‌ಗೆ ಫೋನ್‌ ಮಾಡಿದ್ದೆ. ಆದರೆ, ಅವರು ಸಂಪರ್ಕ ಸಾಧ್ಯವಾಗಲಿಲ್ಲ ಎಂದು ಹೇಳಿದರು.