ರಾಜ್ಯದಲ್ಲಿ ಇಂದು 566 ಹೊಸ ಕೋವಿಡ್ ಪ್ರಕರಣ: ಆರು ಸಾವು

Team Udayavani, Dec 29, 2021, 8:05 PM IST

ಬೆಂಗಳೂರು : ರಾಜ್ಯದಲ್ಲಿ ಬುಧವಾರ 566 ಹೊಸ ಕೋವಿಡ್-19 ಪ್ರಕರಣಗಳು ಮತ್ತು ಆರು ಸಾವುಗಳು ವರದಿಯಾಗಿವೆ, ಒಟ್ಟು ಸೋಂಕಿತರ ಸಂಖ್ಯೆ 30,05,798 ಕ್ಕೆ, ಸಾವಿನ ಸಂಖ್ಯೆ 38,324 ಕ್ಕೆ ತಲುಪಿದೆ.

ಈ ದಿನ 245 ಮಂದಿ ಗುಣಮುಖರಾಗಿ ಡಿಸ್ಚಾರ್ಜ್‌ ಆಗಿದ್ದು, , ಇದುವರೆಗೆ ರಾಜ್ಯದಲ್ಲಿ ಒಟ್ಟು ಚೇತರಿಸಿಕೊಂಡವರ ಸಂಖ್ಯೆ 29,59,674 ಕ್ಕೆ ತಲುಪಿದೆ ಎಂದು ಆರೋಗ್ಯ ಇಲಾಖೆಯ ಬುಲೆಟಿನ್ ತಿಳಿಸಿದೆ.

400 ಪ್ರಕರಣಗಳೊಂದಿಗೆ, ಬೆಂಗಳೂರು ನಗರವು ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದು, ಇಂದು 130 ಮಂದಿ ಡಿಸ್ಚಾರ್ಜ್ ಮತ್ತು ನಾಲ್ಕು ಸಾವು ನಗರದಲ್ಲಿ ಸಂಭವಿಸಿವೆ.ಇಂದು ಚಿತ್ರದುರ್ಗ ಮತ್ತು ತುಮಕೂರಿನ ತಲಾ ಒಬ್ಬರು ಸಾವನ್ನಪ್ಪಿದ್ದಾರೆ. ರಾಜ್ಯದಲ್ಲಿ ಈಗ ಒಟ್ಟು ಸಕ್ರಿಯ ಪ್ರಕರಣಗಳ ಸಂಖ್ಯೆ 7,771 ಆಗಿದೆ. ದಿನದ ಪಾಸಿಟಿವಿಟಿ ದರ 0.52 ಪ್ರತಿಶತದಷ್ಟಿದ್ದರೆ, ಪ್ರಕರಣದಿಂದ ಸಾವಿನ ಪ್ರಮಾಣವು (CFR) 1.06 ಶೇಕಡಾದಷ್ಟಿದೆ.

ಹೊಸ ಪ್ರಕರಣಗಳು ವರದಿಯಾದ ಜಿಲ್ಲೆಗಳ ಪೈಕಿ ಬೆಂಗಳೂರು ನಗರ 400, ದಕ್ಷಿಣ ಕನ್ನಡ 33, ಹಾಸನ 31, ಉಡುಪಿ 17, ಕೊಡಗು ಮತ್ತು ಕೋಲಾರ 14 ಸೇರಿದೆ.