ಅದಾನಿ ಎಜೆಲ್‌ ಏಷ್ಯಾದಲ್ಲೇ ನಂ.1 ಕಂಪನಿ!

Team Udayavani, Jun 16, 2023, 7:44 AM IST

ನವದೆಹಲಿ: ಉದ್ಯಮಿ ಗೌತಮ್‌ ಅದಾನಿ ಮಾಲಿಕತ್ವದ ಅದಾನಿ ಸಮೂಹದ ವ್ಯಾಪ್ತಿಯಲ್ಲಿ ಬರುವ ಎಜೆಲ್‌ ಕಂಪನಿ (ಅದಾನಿ ಗ್ರೀನ್‌ ಎನರ್ಜಿ ಲಿ.), ಏಷ್ಯಾದಲ್ಲೇ ನಂ.1 ಸ್ಥಾನ ಗಳಿಸಿದೆ. ಐಎಸ್‌ಎಸ್‌ ಇಎಸ್‌ಜಿ ನೀಡಿದ ರ್‍ಯಾಂಕಿಂಗ್‌ನಲ್ಲಿ ನವೀಕರಣಗೊಳಿಸಬಹುದಾದ ಇಂಧನ ವಲಯದಲ್ಲಿ ಎಜೆಲ್‌ ಈ ಸಾಧನೆ ಮಾಡಿದೆ. ಹಾಗೆಯೇ ಜಾಗತಿಕವಾಗಿ ಅಗ್ರ 10 ಕಂಪನಿಗಳ ಸಾಲಿಗೆ ಸೇರಿದೆ!

ಐಎಸ್‌ಎಸ್‌ ಇಎಸ್‌ಜಿ ಜಾಗತಿಕವಾಗಿ ಕಂಪನಿಗಳ ಸಾಧನೆ ಗುರುತು ಮಾಡಿ ಶ್ರೇಯಾಂಕ ನೀಡುತ್ತದೆ. ಪರಿಸರ, ಸಾಮಾಜಿಕ, ಆಡಳಿತ ಇವೆಲ್ಲವನ್ನೂ ಸಮಗ್ರವಾಗಿ ಗಮನಿಸಿ ಅದು ಸ್ಥಾನವನ್ನು ನೀಡುತ್ತದೆ. ಎಜೆಲ್‌ ಮಾಹಿತಿಗಳನ್ನು ನೀಡುವುದರಲ್ಲಿ ಗಟ್ಟಿ ವ್ಯವಸ್ಥೆ ಹೊಂದಿದೆ, ಅತ್ಯುನ್ನತ ಪಾರದರ್ಶಕ ವ್ಯವಸ್ಥೆನ್ನಿಟ್ಟುಕೊಂಡಿದೆ ಎನ್ನುವುದನ್ನು ಐಎಸ್‌ಎಸ್‌ ಇಎಸ್‌ಜಿ ಆದ್ಯತೆಯಾಗಿ ಪರಿಣಮಿಸಿದೆ. ಈ ರ್‍ಯಾಂಕಿಂಗ್‌ನಿಂದ 2025ರೊಳಗೆ ವಿದ್ಯುತ್‌ ಬಳಕೆ ವಲಯದಲ್ಲಿ ಜಾಗತಿಕವಾಗಿ ಅಗ್ರ ಹತ್ತು ಕಂಪನಿಗಳಲ್ಲೊಂದಾಗಬೇಕೆಂಬ ಎಜೆಲ್‌ ಯೋಜನೆಗೆ ದೊಡ್ಡ ಬಲ ಸಿಕ್ಕಿದೆ.